Arnasoy köllari
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 638–639-b. — ziyouz.com
Arnasoy köllari - Mirzaçöl b-n Şarqiy Qizilqum tutaşgan joydagi köllar. Şim.-şarqdan jan.-ğarbga çözilgan tektonik botiqda. Köllar tubining mutlaq bal. 250 m çamasida. Köllar vujudga kelgunga qadar uning örni geomorfologik jihatdan Qizilqum kabi eol qum relyefidan iborat bölgan. Pastqamliklarni esa şörxok va mayda köllar egallagan. 1969 y.da Çordara suv omboridan katta hajmda ortiqça suvning çiqarib taşlanişi natijasida pastqamliklar suv b-n tölib bir neça köl vujudga keldi. Köllar özaro tor özanlar orqali tutaşgan. Umumiy uz. 32 km, eng keng joyi 12 km, örtaça çuq. 1 — 3 m. A.k.ga Markaziy Mirzaçöl taşlamasi orqali şör zovur suvlari ham kelib quyiladi (hajmi 1,6 — 1,8 km3), şörligi 1 l da 4 — 5 g. Qişda Çordara suv omboridan ma'lum miqdorda suv oqiziladi, şuning uçun köl suvining minerallaşuv darajasi unçalik yuqori emas. A.k.dan ortiqça suv tor yölak orqali Aydar kuliga oqib ötadi. Köllar qamişzorlar b-n band. A.k.da suvda suzuvçi quşlar, tovon baliq, zoğora baliq, laqqa baliq, sudak, leşç va b. baliqlar mavjud. A.k.da baliq ovlanadi.
Asl matn (kirill, PDF'dagidek)
АРНАСОЙ КЎЛЛАРИ - Мирзачўл б-н Шарқий Қизилқум туташган жойдаги кўллар. Шим.-шарқдан жан.-ғарбга чўзилган тектоник ботиқда. Кўллар тубининг мутлақ бал. 250 м чамасида. Кўллар вужудга келгунга қадар унинг ўрни геоморфологик жиҳатдан Қизилқум каби эол қум рельефидан иборат бўлган. Пастқамликларни эса шўрхок ва майда кўллар эгаллаган. 1969 й.да Чордара сув омборидан катта ҳажмда ортиқча сувнинг чиқариб ташланиши натижасида пастқамликлар сув б-н тўлиб бир неча кўл вужудга келди. Кўллар ўзаро тор ўзанлар орқали туташган. Умумий уз. 32 км, энг кенг жойи 12 км, ўртача чуқ. 1 — 3 м. А.к.га Марказий Мирзачўл ташламаси орқали шўр зовур сувлари ҳам келиб қуйилади (ҳажми 1,6 — 1,8 км3), шўрлиги 1 л да 4 — 5 г. Қишда Чордара сув омборидан маълум миқдорда сув оқизилади, шунинг учун кўл сувининг минераллашув даражаси унчалик юқори эмас. А.к.дан ортиқча сув тор йўлак орқали Айдар кулига оқиб ўтади. Кўллар қамишзорлар б-н банд. А.к.да сувда сузувчи қушлар, товон балиқ, зоғора балиқ, лаққа балиқ, судак, лешч ва б. балиқлар мавжуд. А.к.да балиқ овланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.