Aşula va raqs ansambli
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 834-b. — ziyouz.com
Aşula va raqs ansambli - turli tarkibda taşkil topgan sozanda, xonanda va raqqoslar guruhi. Ilgarilari Özbekistonda ham şunday ansambl (dasta)lar bölgan (q. Mavrigi, Beşqarsak, Yalla). Lekin ularni hoz. ansambllarga tenglaştirib bölmaydi. Avvalo xotin-qizlar erlar b-n bir guruhda qatnaşa olmas edi. Bazmlarda, xalq sayillari va yiğinlarda sozanda-xonanda, raqqos va qiziqçilar tödasi qatnaşsada, lekin ular öz san'atini yakka-yakka namoyiş qilar edilar. Ke-yinçalik yangi turdagi A. va r.a.lar vujudga kela boşladi. Hamza Hakimzoda Niyoziy, Muhiddin Qoriyoqubov, Tojizoda, keyinçalik Töxtasin Jalilov va b. rahbarligida ansambllar taşkil topdi. ÖzRda «Şodlik», «Zarafşon», «Lazgi» kabi professional A. va r. a.lari bor. Bulardan taşqari viloyatlarda xalq, folklor-etnografik va köpgina havaskor A. va r.a. taşkil topgan: «Beşqarsak» (Urgut), «Mohi sitora» (Buxoro), «Namangan olmasi» (Namangan), «Boysun», «Şalola», «Sariosiyo» (Surxondaryo), «Yoşlik», «Orazibon» (Xorazm) va b. Ular xalq orasida an'anaviy öyin-raqs va zamonaviy musiqa-xoreografiya san'atini tarğibot etişda katta xizmat qilmoqdalar.
Asl matn (kirill, PDF'dagidek)
АШУЛА ВА РАҚС АНСАМБЛИ - турли таркибда ташкил топган созанда, хонанда ва раққослар гуруҳи. Илгарилари Ўзбекистонда ҳам шундай ансамбль (даста)лар бўлган (қ. Мавриги, Бешқарсак, Ялла). Лекин уларни ҳоз. ансамблларга тенглаштириб бўлмайди. Аввало хотин-қизлар эрлар б-н бир гуруҳда қатнаша олмас эди. Базмларда, халқ сайиллари ва йиғинларда созанда-хонанда, раққос ва қизиқчилар тўдаси қатнашсада, лекин улар ўз санъатини якка-якка намойиш қилар эдилар. Ке-йинчалик янги турдаги А. ва р.а.лар вужудга кела бошлади. Ҳамза Ҳакимзода Ниёзий, Муҳиддин Қориёқубов, Тожизода, кейинчалик Тўхтасин Жалилов ва б. раҳбарлигида ансамбллар ташкил топди. ЎзРда «Шодлик», «Зарафшон», «Лазги» каби профессионал А. ва р. а.лари бор. Булардан ташқари вилоятларда халқ, фольклор-этнографик ва кўпгина ҳаваскор А. ва р.а. ташкил топган: «Бешқарсак» (Ургут), «Моҳи ситора» (Бухоро), «Наманган олмаси» (Наманган), «Бойсун», «Шалола», «Сариосиё» (Сурхондарё), «Ёшлик», «Оразибон» (Хоразм) ва б. Улар халқ орасида анъанавий ўйин-рақс ва замонавий мусиқа-хореография санъатини тарғибот этишда катта хизмат қилмоқдалар.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.