Ayblov
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 231-b. — ziyouz.com
Ayblov (huquqda) — muayyan jinoiy qilmişni sodir etganlikda ayblanib, jinoyat işida ayblanuvçi tariqasida iştirok etişga jalb qilingan şaxsning aybdorligini isbotlaş maqsadida qilingan harakat. A. şaxsni jinoyat işida ayblanuvçi tariqasida iştirok etişga jalb qiliş töğrisidagi tergovçi yoki prokurorning qarorida bayon qilinadi (ÖzR JPK, 361-modda).
A.ni özgartiriş, tugatiş, töldiriş va tugatilgan A. ni kayta tiklaş tartiblari uşbu Kodeksning 362- va 363-moddalarida nazarda tutilgan. A. uç xil bölib A.ni 1) sudda körilayotgan jinoyat işida qatnaşayotgan prokuror davlat nomidan (q. Prokuror. Uşbu Kodeksning 409-moddasi), 2) jamoat birlaşmalari va jamoalar sud muhokamasida jamoat ayblovçisi tariqasida iştirok etiş uçun yuborgan va-kil — jamoat nomidan (q. Jamoat ayblovçisi. Uşbu Kodeksning 42-moddasi) va 3) jabrlanuvçi şaxsan özi yoki vakili orqali (q. Jabrlanuvçi, Jabrlanuvçining vakili. Uşbu Kodeks 55-modda 1-qismi) quvvatlaşi mumkin. Prokuror davlat ayblovçisi tariqasida sud majlisida aniqlangan holatlarga qarab A.ni quvvatlaş, özgartiriş yoki A.dan voz keçiş huquqiga ega. Prokuror (davlat ayblovçisi) A.ni quvvatlaş, özgartiriş va undan voz keçiş xususida öz fikrini sudga yozma tariqasida topşirişi lozim. Jamoat ayblovçisi A.ning isbotlangani haqida sudda fikr berişga va A. dan voz keçişga haqli. Jamoat birlaşmasi, jamoa özi yöllagan jamoat ayblovçisini xohlagan vaqtda çaqirib olişga yoki uni boşqa vakil b-n almaştirişga haqli. Agar jamoat ayblovçisi çaqirib olingan bölsa, vakil yuborgan jamoat birlaşmasi yoki jamoa jamoat A.idan voz keçgan hisoblanadi.
Q.: Jabrlanuvçi
Asl matn (kirill, PDF'dagidek)
АЙБЛОВ (ҳуқуқда) — муайян жиноий қилмишни содир этганликда айбланиб, жиноят ишида айбланувчи тариқасида иштирок этишга жалб қилинган шахснинг айбдорлигини исботлаш мақсадида қилинган ҳаракат. А. шахсни жиноят ишида айбланувчи тариқасида иштирок этишга жалб қилиш тўғрисидаги терговчи ёки прокурорнинг қарорида баён қилинади (ЎзР ЖПК, 361-модда).
А.ни ўзгартириш, тугатиш, тўлдириш ва тугатилган А. ни кайта тиклаш тартиблари ушбу Кодекснинг 362- ва 363-моддаларида назарда тутилган. А. уч хил бўлиб А.ни 1) судда кўрилаётган жиноят ишида қатнашаётган прокурор давлат номидан (қ. Прокурор. Ушбу Кодекснинг 409-моддаси), 2) жамоат бирлашмалари ва жамоалар суд муҳокамасида жамоат айбловчиси тариқасида иштирок этиш учун юборган ва-кил — жамоат номидан (қ. Жамоат айбловчиси. Ушбу Кодекснинг 42-моддаси) ва 3) жабрланувчи шахсан ўзи ёки вакили орқали (қ. Жабрланувчи, Жабрланувчининг вакили. Ушбу Кодекс 55-модда 1-қисми) қувватлаши мумкин. Прокурор давлат айбловчиси тариқасида суд мажлисида аниқланган ҳолатларга қараб А.ни қувватлаш, ўзгартириш ёки А.дан воз кечиш ҳуқуқига эга. Прокурор (давлат айбловчиси) А.ни қувватлаш, ўзгартириш ва ундан воз кечиш хусусида ўз фикрини судга ёзма тариқасида топшириши лозим. Жамоат айбловчиси А.нинг исботлангани ҳақида судда фикр беришга ва А. дан воз кечишга ҳақли. Жамоат бирлашмаси, жамоа ўзи йўллаган жамоат айбловчисини хоҳлаган вақтда чақириб олишга ёки уни бошқа вакил б-н алмаштиришга ҳақли. Агар жамоат айбловчиси чақириб олинган бўлса, вакил юборган жамоат бирлашмаси ёки жамоа жамоат А.идан воз кечган ҳисобланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.