Balanit
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 50–51-b. — ziyouz.com
Balanit BALANIT, balanopostit (yun. balanos — jinsiy olatning boş qismi; itis; balanoposthitis) — jinsiy olat (zakar) boş qismi terisi (balanit) va çekka kertmagi içki qavatining yalliğlanişi (balanopostit). Köproq bolalarda olat boşi qisilib, çiqmay qolgan hollarda kuzatiladi (q. Fimoz). Birlamçi va ikkilamçi B. uçraydi. Olat çekka kertmagining kambar bölişi, unda siydik tomçisi yoki smegma töplanib qolib, unga mikroblar tuşişi, şuningdek uretrit, qand kasalligi va b. natijasida vujudga kelişi mumkin. Sözak, zaxm asoratlari, fimoz ham B.ga sabab böladi. Olat boşi sohasi şişib, qizaradi, maddalaydi, açişiş, qiçişiş alomatlari paydo bölib, bu ayniqsa bemor siygandan keyin zörayadi. Lohaslik, boş oğriği, haroratning kötarilişi, ba'zan çov sohasidagi limfa tugunlarining kattalaşişi kuzatiladi. B.ning oddiy, diabetik, gangrenoz, halqasimon, eroziyali, yiring-yarali xillari bor. Kasallikning ilk alomatlari paydo bölganda, darhol urolog-vraçga (siydik a'zolari mutaxassisi) uçraşiş zarur. Kasallikning keçişi va xiliga qarab davo tayinlanadi, asosan yalliğlanişga qarşi dorilar (antibiotiklar, dezinfeksiyalovçi eritmali vanna va b.) buyuriladi. Oğirroq hollarda jarrohlik usuli qöllaniladi. B.ning oldini oliş uçun öğil bolalar gigiyena qoidalariga amal qilişlari, agar fimoz bölsa, öz vaqtida davolatişlari lozim.
Q.: Fimoz
Asl matn (kirill, PDF'dagidek)
БАЛАНИТ, баланопостит (юн. balanos — жинсий олатнинг бош қисми; itis; balanoposthitis) — жинсий олат (закар) бош қисми териси (баланит) ва чекка кертмаги ички қаватининг яллиғланиши (баланопостит). Кўпроқ болаларда олат боши қисилиб, чиқмай қолган ҳолларда кузатилади (қ. Фимоз). Бирламчи ва иккиламчи Б. учрайди. Олат чекка кертмагининг камбар бўлиши, унда сийдик томчиси ёки смегма тўпланиб қолиб, унга микроблар тушиши, шунингдек уретрит, қанд касаллиги ва б. натижасида вужудга келиши мумкин. Сўзак, захм асоратлари, фимоз ҳам Б.га сабаб бўлади. Олат боши соҳаси шишиб, қизаради, маддалайди, ачишиш, қичишиш аломатлари пайдо бўлиб, бу айниқса бемор сийгандан кейин зўраяди. Лоҳаслик, бош оғриғи, ҳароратнинг кўтарилиши, баъзан чов соҳасидаги лимфа тугунларининг катталашиши кузатилади. Б.нинг оддий, диабетик, гангреноз, ҳалқасимон, эрозияли, йиринг-ярали хиллари бор. Касалликнинг илк аломатлари пайдо бўлганда, дарҳол уролог-врачга (сийдик аъзолари мутахассиси) учрашиш зарур. Касалликнинг кечиши ва хилига қараб даво тайинланади, асосан яллиғланишга қарши дорилар (антибиотиклар, дезинфекцияловчи эритмали ванна ва б.) буюрилади. Оғирроқ ҳолларда жарроҳлик усули қўлланилади. Б.нинг олдини олиш учун ўғил болалар гигиена қоидаларига амал қилишлари, агар фимоз бўлса, ўз вақтида даволатишлари лозим.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.