Bank foiz stavkasi
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 91-b. — ziyouz.com
Bank foiz stavkasi - bank ssudasidan foydalanganlik uçun belgilangan haq miqdori; qarz summasiga nisbatan foiz hisobida undiriladi. Uning miqdori kredit turi, muddati va qarzning vaqtida qaytarilişiga boğliq. Tijorat va davlat banklari Markaziy (milliy) bank boşçiligida kreditlar uçun belgilaydigan B. f. s. miqdori foiz stavkalarning butun bir tizimini taşkil etadi. Davlat şu tizimga investitsiyalar darajasi va pul muomalasini tartibga soladigan yönalişda ta'sir körsatadi, ya'ni qulay iqtisodiy konyunkturani yaratadi. B. f. s. karzning kaysi tarzda va qanday berilişiga ham boğliq. Uzoq muddatli qarzning B. f. s. past, qisqa muddatlisiniki yuqori böladi. Qarz yordam tarzida berilganda ham B. f. s. imtiyozli böladi. Agar korxona va taşkilotlarni öz qölidagi mablağni yaxşi işlatişga undaş zarur bölsa, B. f. s. oşiriladi. B. f. s.ning minimal va maksimal darajasi bor. Minimal darajadagi B. f. s. bankning xarajatlarini qoplab, zarar körmasligini ta'minlaşi kerak, maksimali esa bankka el qatori foyda körişni ta'minlaşi lozim. Bank omonat (depozit)lar uçun tölaydigan foiz stavkalari ssudadan foydalanganlik uçun belgilangan foiz stavkalaridan past böladi, bu esa banklarning foyda olib işlaşini ta'minlaydi (yana q. Hisob foizi).
Q.: Hisob foizi
Asl matn (kirill, PDF'dagidek)
БАНК ФОИЗ СТАВКАСИ - банк ссудасидан фойдаланганлик учун белгиланган ҳақ миқдори; қарз суммасига нисбатан фоиз ҳисобида ундирилади. Унинг миқдори кредит тури, муддати ва қарзнинг вақтида қайтарилишига боғлиқ. Тижорат ва давлат банклари Марказий (миллий) банк бошчилигида кредитлар учун белгилайдиган Б. ф. с. миқдори фоиз ставкаларнинг бутун бир тизимини ташкил этади. Давлат шу тизимга инвестициялар даражаси ва пул муомаласини тартибга соладиган йўналишда таъсир кўрсатади, яъни қулай иқтисодий конъюнктурани яратади. Б. ф. с. карзнинг кайси тарзда ва қандай берилишига ҳам боғлиқ. Узоқ муддатли қарзнинг Б. ф. с. паст, қисқа муддатлисиники юқори бўлади. Қарз ёрдам тарзида берилганда ҳам Б. ф. с. имтиёзли бўлади. Агар корхона ва ташкилотларни ўз қўлидаги маблағни яхши ишлатишга ундаш зарур бўлса, Б. ф. с. оширилади. Б. ф. с.нинг минимал ва максимал даражаси бор. Минимал даражадаги Б. ф. с. банкнинг харажатларини қоплаб, зарар кўрмаслигини таъминлаши керак, максимали эса банкка эл қатори фойда кўришни таъминлаши лозим. Банк омонат (депозит)лар учун тўлайдиган фоиз ставкалари ссудадан фойдаланганлик учун белгиланган фоиз ставкаларидан паст бўлади, бу эса банкларнинг фойда олиб ишлашини таъминлайди (яна қ. Ҳисоб фоизи).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.