Çor Bakr me'moriy majmuasi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 140-b. — ziyouz.com
Çor Bakr me'moriy majmuasi — Buxoroning Sumitan mavzeidagi me'moriy yodgorlik (16—19-a. lar). Şu yerda yaşab ötgan maşhur tört şayx (q. Çor Bakr) nomi bilan boğliq. Şayxlar qabristoni oldiga Abdullaxon II tomonidan xonaqoh, masjid, Madrasa va katta boğdan iborat me'moriy majmua barpo etilgan (1559), keyingi asrlarda yana qöşimça binolar qurilib, atrofi boğlarga aylantirilgan. Xonaqoh gumbazli xona va peştokdan iborat. Peştoq bezagida koşinkori naqşlar va yirik kufiy yozuvlar, 2 yon kanotida guldastalar bor. Içki bezagida gançkorlik va qirma namunalari uçraydi. Madrasa peştoği kengroq, dahanasi uç ravoqqa bölingan. Kitobasi arabiy yozuvdan iborat.
Darsxona törtburçak tarxli, gumbazli, burçaklari hujralarga tutaş. Yon tarzlari qöşqavat ravoklar qatorini takrorlaydi. Yozlik masjid maydon sahnining törida Madrasa va xonaqoh orasida joylaşgan. Peştoğining 2 qanoti qöş qavatli hujralardan iborat. Peştoq oldidagi supa sahnidan namozgoh sifatida foydalanilgan. Mö'jaz minora me'moriy majmua markazida joylaşgan.
Q.: Çor Bakr
Asl matn (kirill, PDF'dagidek)
ЧОР БАКР МЕЪМОРИЙ МАЖМУАСИ — Бухоронинг Сумитан мавзеидаги меъморий ёдгорлик (16—19-а. лар). Шу ерда яшаб ўтган машҳур тўрт шайх (қ. Чор Бакр) номи билан боғлиқ. Шайхлар қабристони олдига Абдуллахон II томонидан хонақоҳ, масжид, Мадраса ва катта боғдан иборат меъморий мажмуа барпо этилган (1559), кейинги асрларда яна қўшимча бинолар қурилиб, атрофи боғларга айлантирилган. Хонақоҳ гумбазли хона ва пештокдан иборат. Пештоқ безагида кошинкори нақшлар ва йирик куфий ёзувлар, 2 ён канотида гулдасталар бор. Ички безагида ганчкорлик ва қирма намуналари учрайди. Мадраса пештоғи кенгроқ, даҳанаси уч равоққа бўлинган. Китобаси арабий ёзувдан иборат.
Дарсхона тўртбурчак тархли, гумбазли, бурчаклари ҳужраларга туташ. Ён тарзлари қўшқават равоклар қаторини такрорлайди. Ёзлик масжид майдон саҳнининг тўрида Мадраса ва хонақоҳ орасида жойлашган. Пештоғининг 2 қаноти қўш қаватли ҳужралардан иборат. Пештоқ олдидаги супа саҳнидан намозгоҳ сифатида фойдаланилган. Мўъжаз минора меъморий мажмуа марказида жойлашган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.