«DEU» korporatsiyasi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 426–427-b. — ziyouz.com
«DEU» korporatsiyasi (DAEWOO Corporation) — Janubiy Koreyaning yirik sanoat kompaniyalari guruhi, jahondagi eng yirik korporatsiyalardan biri. Asosan avtomobillar, şuningdek, quriliş, kemasozlik, oğir sanoat jihozlari, stanoksozlik, as-bobsozlik, telekommunikatsiya jihozlari, elektrotexnika, maişiy asbob-uskunalar işlab çiqariş, savdo, moliyaviy xizmat körsatiş, telekommunikatsiya xizmati, mehmonxona biznesi vab. b-n şuğullanadi. «DEU»ning töqimaçilik mahsulotlari i. ç. va uni eksport qiliş b-n şugullanadigan birinçi kompaniyasi — «Daewoo industrial Co.Ltd.» 1967 y.da taşkil qilingan. 1975 y.da umumiy savdo kompaniyasi maqomini oldi. 1976—80 y.larda quriliş, moliyaviy xizmat, kemasozlik, ogir sanoat, avtomobilsozlik (1978 y.dan), aloqa, elektronika va b. tarmoklarda faoliyat boşladi. 1982 y.dan transmilliy korporatsiyaga aylandi. 1995 y.da çet ellarda 102 vakolatxonasi oçildi, unga qaraşli 155 kompaniya işladi. 1990—95 y.larda «DEU» özining umumiy menejment rejasiga muvofiq yengil avtomobillari b-n Yevropa bo-zorida savdo qila boşladi. 1995 y.da korporatsiya dunyo böyiça 636 ming dona avtomobillarini sotdi. Şu davr mo-baynida «DEU» Polşa, Ruminiya, Çexiya, Özbekistan, Vyetnam, Meksika va Lotin Amerikasi davlatlariga asosiy investitsiyalarini kiritdi.
1992 y.da Özbekiston Respublikasi va «DEU» korporatsiyasi örtasida «ÖzDEUavto» qöşma korxonasini tuziş böyiça bitim imzolandi va 1996 y. martga kelib z-d işga tuşiriddi (q. Asaka avtomobil zavodi). Bundan taşqari «DEU» Özbekistonda kommunikatsiya sohasida ham faoliyat yuritadi (mas, «DEU yunitel» uyali aloqa vositalari kompaniyasi). «DEU» Afrika, Osiyo, Şarqiy Yevropa, Lotin Amerikasi, Şim. Amerikadagi 85 dan ortiq mamlakatda 380 investitsiya loyihalarida katnaşdi, jami savdo hajmi 72 mlrd. AQŞ dollariga yetdi (1998). 1997—98 y.larda Jan.-Şarqiy Osiyo mamlakatlarida yuz bergan moliyaviy inqiroz «DEU»ni ham çetlab ötmadi. 2001 y.da avtomobilsozlik sohasida «DEU motor» aksiyalarining 35 foizini AQŞning «Jeneral Motors» kompaniyasi sotib oldi.
Hamid Azizqoriyev.
Asl matn (kirill, PDF'dagidek)
«ДЭУ» КОРПОРАЦИЯСИ (DAEWOO Corporation) — Жанубий Кореянинг йирик саноат компаниялари гуруҳи, жаҳондаги энг йирик корпорациялардан бири. Асосан автомобиллар, шунингдек, қурилиш, кемасозлик, оғир саноат жиҳозлари, станоксозлик, ас-бобсозлик, телекоммуникация жиҳозлари, электротехника, маиший асбоб-ускуналар ишлаб чиқариш, савдо, молиявий хизмат кўрсатиш, телекоммуникация хизмати, меҳмонхона бизнеси ваб. б-н шуғулланади. «ДЭУ»нинг тўқимачилик маҳсулотлари и. ч. ва уни экспорт қилиш б-н шугулланадиган биринчи компанияси — «Daewoo industrial Co.Ltd.» 1967 й.да ташкил қилинган. 1975 й.да умумий савдо компанияси мақомини олди. 1976—80 й.ларда қурилиш, молиявий хизмат, кемасозлик, огир саноат, автомобилсозлик (1978 й.дан), алоқа, электроника ва б. тармокларда фаолият бошлади. 1982 й.дан трансмиллий корпорацияга айланди. 1995 й.да чет элларда 102 ваколатхонаси очилди, унга қарашли 155 компания ишлади. 1990—95 й.ларда «ДЭУ» ўзининг умумий менежмент режасига мувофиқ енгил автомобиллари б-н Европа бо-зорида савдо қила бошлади. 1995 й.да корпорация дунё бўйича 636 минг дона автомобилларини сотди. Шу давр мо-байнида «ДЭУ» Польша, Руминия, Чехия, Ўзбекистан, Вьетнам, Мексика ва Лотин Америкаси давлатларига асосий инвестицияларини киритди.
1992 й.да Ўзбекистон Республикаси ва «ДЭУ» корпорацияси ўртасида «ЎзДЭУавто» қўшма корхонасини тузиш бўйича битим имзоланди ва 1996 й. мартга келиб з-д ишга туширидди (қ. Асака автомобиль заводи). Бундан ташқари «ДЭУ» Ўзбекистонда коммуникация соҳасида ҳам фаолият юритади (мас, «ДЭУ юнитель» уяли алоқа воситалари компанияси). «ДЭУ» Африка, Осиё, Шарқий Европа, Лотин Америкаси, Шим. Америкадаги 85 дан ортиқ мамлакатда 380 инвестиция лойиҳаларида катнашди, жами савдо ҳажми 72 млрд. АҚШ долларига етди (1998). 1997—98 й.ларда Жан.-Шарқий Осиё мамлакатларида юз берган молиявий инқироз «ДЭУ»ни ҳам четлаб ўтмади. 2001 й.да автомобилсозлик соҳасида «ДЭУ мотор» акцияларининг 35 фоизини АҚШнинг «Женерал Моторс» компанияси сотиб олди.
Ҳамид Азизқориев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.