Diplomatiya daraja va martabalari
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 293–294-b. — ziyouz.com
Diplomatiya daraja va martabalari — davlat vakolatxonalarining diplomatiya xodimlari uçun beriladigan rasmiy unvonlar. «Özbekiston Respublikasining diplomatiya xodimlari uçun diplomatiya daraja va martabalari belgilaş töğrisida»gi qonunda (1992 y. 3 iyul), «Diplomatiya munosabatlari töğrisida»gi 1961 y.gi Vena konvensiyasi xamda xalqaro huquq normalari va qoidalariga muvofiq, Özbekiston Respublikasi diplomatiya vakolatxonalari boşliklarining quyidagi 3 darajasi belgilangan: çet davlat boşliği huzurida akkreditatsiya qilinadigan (q. Akkreditlaş) Favqulodda va muxtor elçi; çet davlat boşliği huzurida akkreditatsiya qilinadigan Favqulodda va muxtor vakil; çet davlat Taşki işlar vaziri huzurida akkreditatsiya qilinadigan Işonçli vakil. Özbekistonning çet davlatlardagi vakolatxonalari diplomatiya xodimlariga beriladigan xizmat unvonlari quyidagilar: Favqulodda va muxtor elçi; 1- va 2-darajali Favqulodda va muxtor vakil; 1- va 2-darajali maslahatçi; 1- va 2-darajali 1-ko-tib; 1- va 2-darajali 2-kotib; Uçinçi kotib; Attaşe. Favqulodda va muxtor elçi, 1- va 2-darajali favqulodda va muxtor vakil martabalari Özbekiston Respublikasi Prezidenti Farmonlari b-n, boşqa diplomatiya martabalari Özbekistan Respublikasi Taşki işlar vaziri buyruği b-n beriladi. Diplomatiya martabalari mazkur vazirlikning rahbar va mas'ul xodimlariga ham berilişi mumkin. Favqulodda va muxtor elçi, Favqulodda va muxtor vakil martabalari bir umrga beriladi. Boşqa diplomatiya martabasiga ega bölgan şaxslar Özbekiston Respublikasi Taşqi işlar vazirligi tizimidan pensiyaga çiqqan taqdirda ularning bu martabasi saqlanib qoladi.
Q.: Akkreditlaş
Asl matn (kirill, PDF'dagidek)
ДИПЛОМАТИЯ ДАРАЖА ВА МАРТАБАЛАРИ — давлат ваколатхоналарининг дипломатия ходимлари учун бериладиган расмий унвонлар. «Ўзбекистон Республикасининг дипломатия ходимлари учун дипломатия даража ва мартабалари белгилаш тўғрисида»ги қонунда (1992 й. 3 июль), «Дипломатия муносабатлари тўғрисида»ги 1961 й.ги Вена конвенцияси хамда халқаро ҳуқуқ нормалари ва қоидаларига мувофиқ, Ўзбекистон Республикаси дипломатия ваколатхоналари бошликларининг қуйидаги 3 даражаси белгиланган: чет давлат бошлиғи ҳузурида аккредитация қилинадиган (қ. Аккредитлаш) Фавқулодда ва мухтор элчи; чет давлат бошлиғи ҳузурида аккредитация қилинадиган Фавқулодда ва мухтор вакил; чет давлат Ташки ишлар вазири ҳузурида аккредитация қилинадиган Ишончли вакил. Ўзбекистоннинг чет давлатлардаги ваколатхоналари дипломатия ходимларига бериладиган хизмат унвонлари қуйидагилар: Фавқулодда ва мухтор элчи; 1- ва 2-даражали Фавқулодда ва мухтор вакил; 1- ва 2-даражали маслаҳатчи; 1- ва 2-даражали 1-ко-тиб; 1- ва 2-даражали 2-котиб; Учинчи котиб; Атташе. Фавқулодда ва мухтор элчи, 1- ва 2-даражали фавқулодда ва мухтор вакил мартабалари Ўзбекистон Республикаси Президенти Фармонлари б-н, бошқа дипломатия мартабалари Ўзбекистан Республикаси Ташки ишлар вазири буйруғи б-н берилади. Дипломатия мартабалари мазкур вазирликнинг раҳбар ва масъул ходимларига ҳам берилиши мумкин. Фавқулодда ва мухтор элчи, Фавқулодда ва мухтор вакил мартабалари бир умрга берилади. Бошқа дипломатия мартабасига эга бўлган шахслар Ўзбекистон Республикаси Ташқи ишлар вазирлиги тизимидан пенсияга чиққан тақдирда уларнинг бу мартабаси сақланиб қолади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.