Elektr bilan isitiş

Elektr bilan isitiş — xonalarni elektr energiyasini issiqlik energiyasiga aylantirib beruvçi elektr asboblari yordamida isitiş va ularda muayyan trani saqlab turiş uçun möljallangan isitiş tizimi. E.b.i. asboblarining asosiy qismlari metall korpus, keramika asos va qizdiriş elementi (spiralsimon yoki sterjensimon element). Elektr qarşiligi katta bölgan simdan yasalgan qizdiriş elementli elektr isitiş asboblari kengroq tarqalgan. Bunday asboblar oçiq (qizdiriş elementi körinib turadigan) va yopiq (qizdiriş elementi korpus içiga joylaştirilgan) turlarga bölinadi. Oçiq asboblar jumlasiga elektr kaminlar, reflektorlar va boşqalar, yopiq asboblar jumlasiga turli tipdagi (mas, moyli) radiatorlar kiradi. Elektr toki issiqlik töplovçi materialni qizdirib, bu material töplagan issiqligini xonani isitişga sarflaydigan isitiş asboblari ham bor. Issiqlik töplovçi material sifatida temirbeton panellar qöllanişi mumkin. Bunday holda pardevorlar, orayopmalar va hatto pol panellari orasiga elektr qizdiriş kabellari qöyib ketiladi. E.b.i.ning afzalligi — oddiyligi, xona haroratini rostlab turiş mumkinligi, ozodaligi va h.k. (yana q. Isitiş).