«Foton» aksiyadorlik jamiyati
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 245-b. — ziyouz.com
«Foton» aksiyadorlik jamiyati — radioelektronika sanoatining yirik korxonasi. «Özeltexsanoat» uyuşmasi tarkibiga kiradi. Toşkent ş.da joylaşgan. Radioelektronika asbobuskunalari va turli radioelektronika mahsulotlari işlab çiqarişda qöllaniladigan elektron texnika mahsulotlari, şu jumladan televizorlar, xotirali kassa apparatlari va b. xalq iste'moli tovarlari işlab çiqaradi, ularning işlanmalarini yaratadi, 1941 y.da Fryazino ş.dan (Moskva viloyati) evakuatsiya qilingan «Radiolampa» elektrovakuum asboblari z-di negizida taşkil etilgan. Uruş y.larida z-d mudofaa mahsulotlari işlab çiqargan. 1966 y.dan Toşkent elektron texnika z-di deb nomlangan. 1976 y.da korxona va uning filiallari negizida «Foton» i.ç. birlaşmasi taşkil etildi. 1995 y.dan oçiq turdagi aksiyadorlik jamiyati. Korxonada ötgan asrning 50—80-y.larida mudofaa sanoati ahamiyatidagi qabul qilgiçkuçaytirgiç lampalari, generator lampalari, gazotronlar, kenotronlar — yuqori voltli töğrilagiçlar, qotişmalar texnologiyasi böyiça yarimötkazgiçli priborlar, bipolyar texnologiyalar asosida qattiq jinsli integral mikrosxemalar (15 tipdan köproq) işlab çiqarildi.
90-y.lar boşidan korxonada i.ç. yönalişlari qayta taşkil qilindi. 1994 y.da Ukraina («Vesna») va 1997 y.da Yaponiya (Sony) firmalari b-n hamkorlikda oqqora va rangli televizorlar, 1995 y.dan xotirali kassa apparatlarini i.ç. özlaştirildi.
Mahsulotlari, ayniqsa, yarimötkazgiçli priborlar «FotonR» savdo uyi orqali Rossiyaga eksport qilinadi. Umumiy i.ç. hajmida eksport hissasi 55%ni taşkil etadi (2003).
Ma'ruf Saidumarov.
Asl matn (kirill, PDF'dagidek)
«ФОТОН» АКЦИЯДОРЛИК ЖАМИЯТИ — радиоэлектроника саноатининг йирик корхонаси. «Ўзэлтехсаноат» уюшмаси таркибига киради. Тошкент ш.да жойлашган. Радиоэлектроника асбобускуналари ва турли радиоэлектроника маҳсулотлари ишлаб чиқаришда қўлланиладиган электрон техника маҳсулотлари, шу жумладан телевизорлар, хотирали касса аппаратлари ва б. халқ истеъмоли товарлари ишлаб чиқаради, уларнинг ишланмаларини яратади, 1941 й.да Фрязино ш.дан (Москва вилояти) эвакуация қилинган «Радиолампа» электровакуум асбоблари з-ди негизида ташкил этилган. Уруш й.ларида з-д мудофаа маҳсулотлари ишлаб чиқарган. 1966 й.дан Тошкент электрон техника з-ди деб номланган. 1976 й.да корхона ва унинг филиаллари негизида «Фотон» и.ч. бирлашмаси ташкил этилди. 1995 й.дан очиқ турдаги акциядорлик жамияти. Корхонада ўтган асрнинг 50—80-й.ларида мудофаа саноати аҳамиятидаги қабул қилгичкучайтиргич лампалари, генератор лампалари, газотронлар, кенотронлар — юқори вольтли тўғрилагичлар, қотишмалар технологияси бўйича яримўтказгичли приборлар, биполяр технологиялар асосида қаттиқ жинсли интеграл микросхемалар (15 типдан кўпроқ) ишлаб чиқарилди.
90-й.лар бошидан корхонада и.ч. йўналишлари қайта ташкил қилинди. 1994 й.да Украина («Весна») ва 1997 й.да Япония (Sony) фирмалари б-н ҳамкорликда оққора ва рангли телевизорлар, 1995 й.дан хотирали касса аппаратларини и.ч. ўзлаштирилди.
Маҳсулотлари, айниқса, яримўтказгичли приборлар «ФотонР» савдо уйи орқали Россияга экспорт қилинади. Умумий и.ч. ҳажмида экспорт ҳиссаси 55%ни ташкил этади (2003).
Маъруф Саидумаров.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.