Gemotransfuziya

Gemotransfuziya (gemo... va lot. transfusio — quyiş) — q. Qon quyiş. GEMOFILIYA (gemo... va yun. philia — moyillik), töxtamasdan qon oqişi — qon oqişiga moyillik b-n ifodalanadigan irsiy kasallik. Qon plazmasida qonning ivişi uçun zarur bölgan omillar yetişmasligi sabab böladi. G. asosan erkaklarda uçrasa ham onadan ötadi, ya'ni buvadan nabiraga soğlom qizi orqali ötadi. G. belgilari yoşlikdanoq paydo bölib, bola ulğaygan sari kamayib boradi. Bemor lat yeganida terisi ostiga, muskuli orasiga va böğimiga köp qon quyiladi; tilini tişlab olganida, tişini oldirganida va b. hollarda ham juda köp qon oqib, hayoti xavf ostida qoladi. Yirik böğimlar (tizza, boldir-panja böğimi)ga qon quyilib, ularda kuçli özgarişlar sodir böladi. Qon ivişining buzilişi G.ni boşqa xil qon oqişlardan ajratib turadigan asosiy belgidir: bemorning venasidan qon olib probirkaga solib qöyilsa, soatlab ivimaydi. Bunga bemor qonida oqsil modda, ya'ni antigemofil globulin yetişmasligi sabab böladi. G.ning A, V yoki Kristmas kasalligi va S (haqiqiy G. deb hisoblanmaydi) xillari bor. Bemor özini har xil şikastlardan ehtiyot qilişi kerak. Davosi: yangi olingan qon yoki plazma quyiladi; bemorga töğridan-töğri donordan qon quyiş, soğlom odam plazmasidan tayyorlangan konsentratlarni qöllaş yaxşi naf beradi. Zarur hollarda jarrohlik usuli qöllaniladi.