Göri Amir
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 525–526-b. — ziyouz.com
Göri Amir — q. Amir Temur maqbarasi. GÖRIFOTIMA (yuqori oqimida Gulxossoy, örta oqimida Toğçisoy) — Surxondaryo viloyati Sariosiyo tumanidagi soy. Töpolondaryoga çapdan quyiluvçi Obizarang (Daşnobod) daryosining çap irmoği. Uz. 22 km, havzasining mayd. 116 km2. Navoiy toğlari (3836 m)dan oqib tuşuvçi öndan ortiq irmoqlarning qöşilişidan hosil böladi. Suvining asosiy qismi Tojikiston Respublikasi hududida vujudga keladi. G. asosan qor, yomğir, buloqlar va qisman muzliklar suvidan töyinadi. Örtaça suv sarfi 1,46 m3/sek. Suvining asosiy qismi (70%) mart-iyunda oqib ötadi, eng sersuv oylar — apr. (4,17 m3/sek), iyun (3,78 m3/ sek), nisbatan kam suvli davr — sent.- yanv. (örtaça 0,50 m3/sek). G.da ba'zan sel toşqinlari bölib, suv sarfi keskin ortadi (21 m3/sek, 1976 y. 29 apr.). G. suvining asosiy qismi suğorişga sarflanadi.
Asl matn (kirill, PDF'dagidek)
ГЎРИ АМИР — қ. Амир Темур мақбараси. ГЎРИФОТИМА (юқори оқимида Гулхоссой, ўрта оқимида Тоғчисой) — Сурхондарё вилояти Сариосиё туманидаги сой. Тўполондарёга чапдан қуйилувчи Обизаранг (Дашнобод) дарёсининг чап ирмоғи. Уз. 22 км, ҳавзасининг майд. 116 км2. Навоий тоғлари (3836 м)дан оқиб тушувчи ўндан ортиқ ирмоқларнинг қўшилишидан ҳосил бўлади. Сувининг асосий қисми Тожикистон Республикаси ҳудудида вужудга келади. Г. асосан қор, ёмғир, булоқлар ва қисман музликлар сувидан тўйинади. Ўртача сув сарфи 1,46 м3/сек. Сувининг асосий қисми (70%) март-июнда оқиб ўтади, энг серсув ойлар — апр. (4,17 м3/сек), июнь (3,78 м3/ сек), нисбатан кам сувли давр — сент.- янв. (ўртача 0,50 м3/сек). Г.да баъзан сел тошқинлари бўлиб, сув сарфи кескин ортади (21 м3/сек, 1976 й. 29 апр.). Г. сувининг асосий қисми суғоришга сарфланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.