Asosiy mazmunga ötiş
Qidiriş…Ctrl K

    Şrift ölçami

    Jon Meynard Keyns

    Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 284-b. — ziyouz.com

    Keyns Jon Meynard KEYNS (Keynes) Jon Meynard (1883.5.6, Kembrij - 1946.21.4, Suseks grafligi, Tilton qişloği) — ingliz iqtisodçisi, davlat arbobi, keyneçilik asosçisi. Kembrij un-tini tugatgan (1906). 1908 y.dan to umrining oxirigaça şu un-tda dars berdi (1920 y.dan prof.), ayni paytda bir qator ma'muriy lavozimlarda işladi. Britaniya xazinasi xodimi (1915—19), Angliya banki direktorlaridan biri (1942 y.dan), Bretton—Vuds konferensiyasida (q. Bretton—Vuds bitimi) Angliyaning boş vakili (1944). 1912 y.dan nazariy «Economic journal» («Iqtisodiyot jurnali») muharriri bölgan.

    Pul muomalasi va moliya, iqtisodiy ösiş, bandlik sohalarida bir qator asarlar yaratdi («Versal şartnomasining iqtisodiy oqibatlari», 1919; «Mister Çerçill siyosatining iqtisodiy oqibatlari», 1925; «Pul töğrisida risola», 1930 va b.). K.ning asosiy ğoyalari «Bandlik, foiz va pulning umumiy nazariyasi» (1936) asarida bayon etilgan. K. bozor iqtisodiyotini davlat tomonidan tartibga solişning zarurligi I va davlat iqtisodiy siyosatining asosiy tamoyillarini asoslab berdi. K. qaraşlari 2-jahon I uruşi va undan keyingi davrda köpgina Ğarb mamlakatlari (ayniqsa, AQŞ va Buyuk Britaniya)da davlat iqtisodiy siyosatining nazariy asosiga aylandi (q. Keyneçilik, Neokeynsçilik).

    Q.: Neokeynsçilik

    Asl matn (kirill, PDF'dagidek)

    КЕЙНС (Keynes) Жон Мейнард (1883.5.6, Кембриж - 1946.21.4, Сусекс графлиги, Тилтон қишлоғи) — инглиз иқтисодчиси, давлат арбоби, кейнечилик асосчиси. Кембриж ун-тини тугатган (1906). 1908 й.дан то умрининг охиригача шу ун-тда дарс берди (1920 й.дан проф.), айни пайтда бир қатор маъмурий лавозимларда ишлади. Британия хазинаси ходими (1915—19), Англия банки директорларидан бири (1942 й.дан), Бреттон—Вудс конференциясида (қ. Бреттон—Вудс битими) Англиянинг бош вакили (1944). 1912 й.дан назарий «Economic journal» («Иқтисодиёт журнали») муҳаррири бўлган.

    Пул муомаласи ва молия, иқтисодий ўсиш, бандлик соҳаларида бир қатор асарлар яратди («Версаль шартномасининг иқтисодий оқибатлари», 1919; «Мистер Черчилль сиёсатининг иқтисодий оқибатлари», 1925; «Пул тўғрисида рисола», 1930 ва б.). К.нинг асосий ғоялари «Бандлик, фоиз ва пулнинг умумий назарияси» (1936) асарида баён этилган. К. бозор иқтисодиётини давлат томонидан тартибга солишнинг зарурлиги I ва давлат иқтисодий сиёсатининг асосий тамойилларини асослаб берди. К. қарашлари 2-жаҳон I уруши ва ундан кейинги даврда кўпгина Ғарб мамлакатлари (айниқса, АҚШ ва Буюк Британия)да давлат иқтисодий сиёсатининг назарий асосига айланди (қ. Кейнечилик, Неокейнсчилик).

    Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.