Jumaniyoz Jabborov

Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 2–3-b. — ziyouz.com

Jabborov Jumaniyoz (1930.25.10, Koson tumani) — Özbekiston xalq şoiri (1997). Özbekistonda xizmat körsatgan san'at arbobi (1980). ToşDU filologiya f-tini tugatgan (1952). «Şarq yulduzi» jur.da bölim mudiri, mas'ul kotib (1953—62), «Gulxan» jur. boş muharriri (1962—64), Respublika gaz. («Sovet Özbekistoni»)da bölim mudiri (1964—67), boş muharrir örinbosari (1967—76), ma'muriy taşkilotda şö'ba mudiri (1976—81), Ğafur Ğulom nomidagi Adabiyot va san'at naşriyotida direktor (1981—85), Özbekiston Yozuvçilar uyuşmasida tarjima kengaşining maslahatçisi (1985— 90). Özbekiston Respublikasi Vazirlar Mahkamasi huzuridagi Adabiyot, san'at va me'morçilik sohasida Özbekiston Davlat mukofotlari qömitasida mas'ul kotib (1990 y.dan).

«Bahor nafasi» (1956), «Maqsad yölida» (1958), «Subhidam xayollari» (1964), «Sahro sanami» (1967), «Lirika» (1970), «Ilhom daqiqalari» (1971), «Dostonlar» (1974), «E'tiqod» (1978), «Xayolimda özing» (1985), «Könglim gözali» (1991) va b. töplamlariga kirgan şe'r va dostonlarida yurtga muhabbat, inson qalbi va ma'naviy olamini teranroq aks ettirişga intiliş, hayot sevarlik ğoyalari badiy ifodalangan. «Ajab dunyo — sevgi dunyosi» (1996) töplamidan 100 dan ortiq ğazallar örin olgan. Uning şe'rlari falsafiyligi, voqelikka faol munosabat b-n ajralib tursa, ğazallari obrazlarning tiniqligi, öynoqiligi b-n öziga xosdir. «Guljahon va Hasanjon» (1967), «Sahro gullari» (1976), «Toğdagi uçraşuv» (1986) töplamlari bolalarga bağişlangan. J.ning «Gulşan» (1957) dostonida muhabbat va sadoqat mavzui asosiy örin tutadi. «Toğlar sadosi» (1961) va «Yöldagi öylar» (1968) dostonlari yaxşilik b-n yomonlik örtasidagi azaliy kuraş, adabiyot va san'atning inson hayotida tutgan örni haqida. «Onayer qöşiği» (1962), «20 kun daftari» (1967), «Sohillar hikoyasi» (1974) kabi nasriy asarlari naşr etilgan. «Tallimarjon dostoni» (1976), «Quyoş yurti» (1981) şe'riy asarlari mazmunan özaro boğliq bölib, Qarşi çöli manzaralari, ona yurtga muhabbat tuyğulari uluğlangan. «Öjarlar» (1973), «Yillar ötib...» (1977), «Töydan oldin tomoşa» (1979), «Mening oppoq kabutarlarim» (1991) dramatik asarlarida inson erki, baxti, oilaviy turmuş muammolari yoritilgan. R. Ta-gorning «Qurbonlik» dramasini, Hofiz Şeroziy, Ubayd Zokoniy, Bayron, Yu. Lermontov, A. Blok va b.ning şe'rlarini özbek tiliga tarjima qilgan. Dramatik asarlari asosan Muqimiy nomidagi özbek davlat musiqali teatrida va viloyat teatrlarida, şuningdek, tojik, qirğiz, qozoq teatrlarida ham sahnalaştirilgan. Alişer Navoiy nomidagi Katta akademik teatrda sahnalaştirilgan.

«Al-Farğoniy» operasi librettosi (1998) muallifi. Ac: Saylanma [2 jildli], T., 1980—81.

Asl matn (kirill, PDF'dagidek)

ЖАББОРОВ Жуманиёз (1930.25.10, Косон тумани) — Ўзбекистон халқ шоири (1997). Ўзбекистонда хизмат кўрсатган санъат арбоби (1980). ТошДУ филология ф-тини тугатган (1952). «Шарқ юлдузи» жур.да бўлим мудири, масъул котиб (1953—62), «Гулхан» жур. бош муҳаррири (1962—64), Республика газ. («Совет Ўзбекистони»)да бўлим мудири (1964—67), бош муҳаррир ўринбосари (1967—76), маъмурий ташкилотда шўъба мудири (1976—81), Ғафур Ғулом номидаги Адабиёт ва санъат нашриётида директор (1981—85), Ўзбекистон Ёзувчилар уюшмасида таржима кенгашининг маслаҳатчиси (1985— 90). Ўзбекистон Республикаси Вазирлар Маҳкамаси ҳузуридаги Адабиёт, санъат ва меъморчилик соҳасида Ўзбекистон Давлат мукофотлари қўмитасида масъул котиб (1990 й.дан).

«Баҳор нафаси» (1956), «Мақсад йўлида» (1958), «Субҳидам хаёллари» (1964), «Саҳро санами» (1967), «Лирика» (1970), «Илҳом дақиқалари» (1971), «Достонлар» (1974), «Эътиқод» (1978), «Хаёлимда ўзинг» (1985), «Кўнглим гўзали» (1991) ва б. тўпламларига кирган шеър ва достонларида юртга муҳаббат, инсон қалби ва маънавий оламини теранроқ акс эттиришга интилиш, ҳаёт севарлик ғоялари бадий ифодаланган. «Ажаб дунё — севги дунёси» (1996) тўпламидан 100 дан ортиқ ғазаллар ўрин олган. Унинг шеърлари фалсафийлиги, воқеликка фаол муносабат б-н ажралиб турса, ғазаллари образларнинг тиниқлиги, ўйноқилиги б-н ўзига хосдир. «Гулжаҳон ва Ҳасанжон» (1967), «Саҳро гуллари» (1976), «Тоғдаги учрашув» (1986) тўпламлари болаларга бағишланган. Ж.нинг «Гулшан» (1957) достонида муҳаббат ва садоқат мавзуи асосий ўрин тутади. «Тоғлар садоси» (1961) ва «Йўлдаги ўйлар» (1968) достонлари яхшилик б-н ёмонлик ўртасидаги азалий кураш, адабиёт ва санъатнинг инсон ҳаётида тутган ўрни ҳақида. «Онаер қўшиғи» (1962), «20 кун дафтари» (1967), «Соҳиллар ҳикояси» (1974) каби насрий асарлари нашр этилган. «Таллимаржон достони» (1976), «Қуёш юрти» (1981) шеърий асарлари мазмунан ўзаро боғлиқ бўлиб, Қарши чўли манзаралари, она юртга муҳаббат туйғулари улуғланган. «Ўжарлар» (1973), «Йиллар ўтиб...» (1977), «Тўйдан олдин томоша» (1979), «Менинг оппоқ кабутарларим» (1991) драматик асарларида инсон эрки, бахти, оилавий турмуш муаммолари ёритилган. Р. Та-горнинг «Қурбонлик» драмасини, Ҳофиз Шерозий, Убайд Зоконий, Байрон, Ю. Лермонтов, А. Блок ва б.нинг шеърларини ўзбек тилига таржима қилган. Драматик асарлари асосан Муқимий номидаги ўзбек давлат мусиқали театрида ва вилоят театрларида, шунингдек, тожик, қирғиз, қозоқ театрларида ҳам саҳналаштирилган. Алишер Навоий номидаги Катта академик театрда саҳналаштирилган.

«Ал-Фарғоний» операси либреттоси (1998) муаллифи. Ac: Сайланма [2 жилдли], Т., 1980—81.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.