Karoçi

Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 189-b. — ziyouz.com

Karoçi KAROÇI, Karaçi (balujlarning kulaçi qabilasi nomidan) — Pokistondagi şahar. Mamlakatningjan. qismida, Hind daryosi deltasida, daryoning Arabiston dengiziga quyiliş joyidan 100 km yuqorida. Sind viloyatining ma'muriy markazi. Aholisi 9,3 mln. kişi (1998).

K. 18-a. boşida baliq ovlovçilar qişloği örnida vujudga kelgan. 1843 y.da inglizlar bosib oldi va 19-a.ning 2-yarmida Buyuk Britaniyaning harbiy-dengiz bazasiga aylandi. 1947—59 y.larda Pokiston poytaxti.

K. — mamlakatning eng katta şahri, iqtisodiy va savdo markazi. Transport yöllarining xalqaro tuguni, dengiz porti (yillik yuk ortib-tuşiriş 15 mln. t.). Aeroporti xalqaro ahamiyatga ega. Mamlakat taşqi savdosining aksari qismi (taxm. 70%) K. orqali ötadi. K. va uning atrofida erkin savdoning mamlakatda birinçi eksport işlab çiqariş zonasi taşkil etilgan. K. va uning atrofidagi sanoat korxonalari Pokistonda işlab çiqarilgan sanoat mahsulotining 1/2, jumladan, töqimaçilik (asosan, ip gazlama) sanoati mahsulotining 1/3 qismiga yaqinini beradi. Oziq-ovqat (tamaki, baliqni qayta işlaş va b.), kön poyabzal, sellyuloza-qoğoz, sement, oyna, kimyo va farmatsevtika, metallsozlik va maşinasozlik (avtomobilsozlik, kemasozlik, ehtiyot qismlardan mototsikl va motorollerlar yiğiş va b.), rezina-texnika, neftni qayta işlaş korxonalari bor. K. yaqinida mamlakatdagi birinçi AES joylaşgan.

K.da banklar, suğurta va savdo kompaniyalarining boşqarmalari, bir neça oliy öquv yurti, jumladan, un-t (1951), politexnika in-ti, ilmiy tadqiqot in-tlari, kollejlar, Milliy muzey, Pokiston davlati asosçisi M.A.Jinna maqbarasi, zamonaviy me'moriy binolardan Oliy sud binosi (20-a. boşi), «Interkontinental» mehmonxonasi, Davlat banki binosi va b. bor.

Asl matn (kirill, PDF'dagidek)

КАРОЧИ, Карачи (балужларнинг кулачи қабиласи номидан) — Покистондаги шаҳар. Мамлакатнингжан. қисмида, Ҳинд дарёси дельтасида, дарёнинг Арабистон денгизига қуйилиш жойидан 100 км юқорида. Синд вилоятининг маъмурий маркази. Аҳолиси 9,3 млн. киши (1998).

К. 18-а. бошида балиқ овловчилар қишлоғи ўрнида вужудга келган. 1843 й.да инглизлар босиб олди ва 19-а.нинг 2-ярмида Буюк Британиянинг ҳарбий-денгиз базасига айланди. 1947—59 й.ларда Покистон пойтахти.

К. — мамлакатнинг энг катта шаҳри, иқтисодий ва савдо маркази. Транспорт йўлларининг халқаро тугуни, денгиз порти (йиллик юк ортиб-тушириш 15 млн. т.). Аэропорти халқаро аҳамиятга эга. Мамлакат ташқи савдосининг аксари қисми (тахм. 70%) К. орқали ўтади. К. ва унинг атрофида эркин савдонинг мамлакатда биринчи экспорт ишлаб чиқариш зонаси ташкил этилган. К. ва унинг атрофидаги саноат корхоналари Покистонда ишлаб чиқарилган саноат маҳсулотининг 1/2, жумладан, тўқимачилик (асосан, ип газлама) саноати маҳсулотининг 1/3 қисмига яқинини беради. Озиқ-овқат (тамаки, балиқни қайта ишлаш ва б.), кўн пойабзал, целлюлоза-қоғоз, цемент, ойна, кимё ва фармацевтика, металлсозлик ва машинасозлик (автомобилсозлик, кемасозлик, эҳтиёт қисмлардан мотоцикл ва мотороллерлар йиғиш ва б.), резина-техника, нефтни қайта ишлаш корхоналари бор. К. яқинида мамлакатдаги биринчи АЭС жойлашган.

К.да банклар, суғурта ва савдо компанияларининг бошқармалари, бир неча олий ўқув юрти, жумладан, ун-т (1951), политехника ин-ти, илмий тадқиқот ин-тлари, коллежлар, Миллий музей, Покистон давлати асосчиси М.А.Жинна мақбараси, замонавий меъморий бинолардан Олий суд биноси (20-а. боши), «Интерконтинентал» меҳмонхонаси, Давлат банки биноси ва б. бор.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.