Kineskop
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 380-b. — ziyouz.com
Kineskop (yun. kinesis — harakat va sropeo — qarayman) — qabul qiluvçi televizion trubka — elektr signallarni yoruğlik signallariga aylantiruvçi qurilma; televizion tasvirlarni qayta körsatuvçi elektron nurli trubka. Oq-qora tasvir hosil qilinadigan K. elektron projektorli şişa kolbadan iborat bölib, uning old devori (ekrani) oq yoruğlik beradigan lyuminofor qatlami b-n qoplangan. Elektron oqimi (elektron nur) ta'sirida lyuminofor yorişa boşlaydi, magnit tizim b-n oğdiriladigan elektron nur esa tasvirni yoyib, ekranda televizion tasvir hosil qilinadi. Tasvirning yoruğligini va kontrastligini oşiriş, şuningdek, lyuminoforning manfiy ionlar oqimidan yemirilmasligi uçun kolbaning içki sirtiga yupqa (0,5—1,0 mkm) alyuminiy parda qoplanadi. Rangli tasvir hosil qilinadigan K.da uçta elektron projektor bor, ekrani esa kizil, yaşil va kök yoruğlik beradigan lyuminofor b-n qoplangan (q. Rangli televideniye). Katta (3—4 m2) ekranda televizion tasvir hosil qiliş uçun ravşanligi yuqori bölgan proyeksion K.dan foydalaniladi. Ok,-qora tasvirli K.ning ekrani diagonali böyiça 3, 6, 11, 16, 23 mm (kötarib yuriladigan), 35, 43, 47, 59, 61, 65 va 67 mm ölçamda; rangli tasvirli K. 25, 40, 59 va 61 mm va h.k. ölçam qilib işlab çiqariladi.
Asl matn (kirill, PDF'dagidek)
КИНЕСКОП (юн. kinesis — ҳаракат ва sropeo — қарайман) — қабул қилувчи телевизион трубка — электр сигналларни ёруғлик сигналларига айлантирувчи қурилма; телевизион тасвирларни қайта кўрсатувчи электрон нурли трубка. Оқ-қора тасвир ҳосил қилинадиган К. электрон прожекторли шиша колбадан иборат бўлиб, унинг олд девори (экрани) оқ ёруғлик берадиган люминофор қатлами б-н қопланган. Электрон оқими (электрон нур) таъсирида люминофор ёриша бошлайди, магнит тизим б-н оғдириладиган электрон нур эса тасвирни ёйиб, экранда телевизион тасвир ҳосил қилинади. Тасвирнинг ёруғлигини ва контрастлигини ошириш, шунингдек, люминофорнинг манфий ионлар оқимидан емирилмаслиги учун колбанинг ички сиртига юпқа (0,5—1,0 мкм) алюминий парда қопланади. Рангли тасвир ҳосил қилинадиган К.да учта электрон прожектор бор, экрани эса кизил, яшил ва кўк ёруғлик берадиган люминофор б-н қопланган (қ. Рангли телевидение). Катта (3—4 м2) экранда телевизион тасвир ҳосил қилиш учун равшанлиги юқори бўлган проекцион К.дан фойдаланилади. Ок,-қора тасвирли К.нинг экрани диагонали бўйича 3, 6, 11, 16, 23 мм (кўтариб юриладиган), 35, 43, 47, 59, 61, 65 ва 67 мм ўлчамда; рангли тасвирли К. 25, 40, 59 ва 61 мм ва ҳ.к. ўлчам қилиб ишлаб чиқарилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.