Kingston

Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 377-b. — ziyouz.com

Kingston — Yamaykaning poytaxti. Yamayka o.ning jan.-şarqida, Karib dengizi sohilida. K. Sent-Andru b-n alohida ma'muriy birlikni taşkil qiladi. Iqlimi tropik, sernam; yanv. ning örtaça t-rasi 24,3°, iyulniki 27,6°. Yillik yoğin 700 mm. Kuçli zilzilalar bölib turadi. Aholisi 600 ming kişidan ziyod (1990-y.lar örtalari).

K. 1693 y.da inglizlar tomonidan bunyod etilgan, keyinroq şahar qul savdosining Vest-Indiyadagi eng katta markazi bölgan. 1872 y.dan Yamaykaning ma'muriy markazi. Şahar 1907 y.gi zilziladan deyarli butunlay vayron bölgan. 1962 y.da K.da Yamayka mustaqilligi e'lon qilingan.

K. — mamlakatning savdo-sanoat va madaniyat markazi. Transport yöllarining yirik tuguni. Aeroporti xalqaro ahamiyatga ega. Karib dengizi soqilidagi yirik port. Mamlakat import mollarining deyarli hammasi, eksporti (şakarqand, rom, paxta, kofe, banan)ning köp qismi K. porti orqali ötadi. Sanoati oziq-ovqat, töqimaçilik, kön poyabzal, yoğoçsozlik, metallsozlik korxonalari, neftni qayta işlaş, sement z-dlaridan iborat. K.da Vest-Indiya un-tining fakultetlari, in-tlar, Yamaykani örganiş inti (kutubxona, muzey va san'at körgazmasidan iborat), san'at, tabiiy fanlar va texnologiya kolleji, teatr va b. bor. Me'moriy yodgorliklaridan Rokfort qal'asi (17—19-a.lar), San-Tomas sobori (17-a., 1907 y.da qayta qurilgan) saqlangan. K.da hukumat, çet el kompaniya va banklari idoralari joylaşgan.

Asl matn (kirill, PDF'dagidek)

КИНГСТОН — Ямайканинг пойтахти. Ямайка о.нинг жан.-шарқида, Кариб денгизи соҳилида. К. Сент-Андру б-н алоҳида маъмурий бирликни ташкил қилади. Иқлими тропик, сернам; янв. нинг ўртача т-раси 24,3°, июлники 27,6°. Йиллик ёғин 700 мм. Кучли зилзилалар бўлиб туради. Аҳолиси 600 минг кишидан зиёд (1990-й.лар ўрталари).

К. 1693 й.да инглизлар томонидан бунёд этилган, кейинроқ шаҳар қул савдосининг Вест-Индиядаги энг катта маркази бўлган. 1872 й.дан Ямайканинг маъмурий маркази. Шаҳар 1907 й.ги зилзиладан деярли бутунлай вайрон бўлган. 1962 й.да К.да Ямайка мустақиллиги эълон қилинган.

К. — мамлакатнинг савдо-саноат ва маданият маркази. Транспорт йўлларининг йирик тугуни. Аэропорти халқаро аҳамиятга эга. Кариб денгизи соқилидаги йирик порт. Мамлакат импорт молларининг деярли ҳаммаси, экспорти (шакарқанд, ром, пахта, кофе, банан)нинг кўп қисми К. порти орқали ўтади. Саноати озиқ-овқат, тўқимачилик, кўн пойабзал, ёғочсозлик, металлсозлик корхоналари, нефтни қайта ишлаш, цемент з-дларидан иборат. К.да Вест-Индия ун-тининг факультетлари, ин-тлар, Ямайкани ўрганиш инти (кутубхона, музей ва санъат кўргазмасидан иборат), санъат, табиий фанлар ва технология коллежи, театр ва б. бор. Меъморий ёдгорликларидан Рокфорт қалъаси (17—19-а.лар), Сан-Томас собори (17-а., 1907 й.да қайта қурилган) сақланган. К.да ҳукумат, чет эл компания ва банклари идоралари жойлашган.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.