Magnit kuçaytirgiç
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 28-b. — ziyouz.com
Magnit kuçaytirgiç - elektr signallarini kuçaytiriş uçun möljallangan qurilma. M.k.da boşqariladigan elementlar ferromagnit özakli induktivlik ğaltaklari (q. Induktivlik ğaltagi) hisoblanadi. Ularda ikki özgaruvçan magnit maydon mavjud böladi: biri — ta'minlaş manbai çastotasida, ikkinçisi — kuçaytiriladigan signal çastotasida özgaradi. M. k. lampali va tranzistorli kuçaytirgiçlardan keskin farq qiladi. M.k. köproqözgarmas tok yoki sekin özgaradigan özgaruvçan tok signallarini kuçaytirişda işlatiladi. Kuçaytiriladigan signallar çastotalari diapazonini yuqoriroq çastotalar tomonga kengaytiriş uçun M. k. lampali, yarimötkazgiçli, elektr maşina kuçaytirgiçlari va b. b-n birgalikda qöllaniladi. M. k. aniq ölçaş asboblarida yirik agregatlar (prokat stanlari, ekskavatorlar va b.) ni avtomatik boşqariş qurilmalari va b. sohalarda keng işlatiladi.
Asl matn (kirill, PDF'dagidek)
МАГНИТ КУЧАЙТИРГИЧ - электр сигналларини кучайтириш учун мўлжалланган қурилма. М.к.да бошқариладиган элементлар ферромагнит ўзакли индуктивлик ғалтаклари (қ. Индуктивлик ғалтаги) ҳисобланади. Уларда икки ўзгарувчан магнит майдон мавжуд бўлади: бири — таъминлаш манбаи частотасида, иккинчиси — кучайтириладиган сигнал частотасида ўзгаради. М. к. лампали ва транзисторли кучайтиргичлардан кескин фарқ қилади. М.к. кўпроқўзгармас ток ёки секин ўзгарадиган ўзгарувчан ток сигналларини кучайтиришда ишлатилади. Кучайтириладиган сигналлар частоталари диапазонини юқорироқ частоталар томонга кенгайтириш учун М. к. лампали, яримўтказгичли, электр машина кучайтиргичлари ва б. б-н биргаликда қўлланилади. М. к. аниқ ўлчаш асбобларида йирик агрегатлар (прокат станлари, экскаваторлар ва б.) ни автоматик бошқариш қурилмалари ва б. соҳаларда кенг ишлатилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.