Meyer limoni
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 389–390-b. — ziyouz.com
Meyer limoni MEYER LIMONI, xitoy limoni — pakana böyli limon navi. M. l. limon b-n apelsin örtasidagi tabiiy duragay hisoblanadi. Xitoyda keng tarqalgan. Limon ekiladigan barça hududlarda uçraydi. Özbekistonda himo-yalangan şaroitlarda issiqxona va tranşeyalarda östiriladigan asosiy nav. Past böyli, şox-şabbalari ixçam. Oçiq joyda böyi 2,5 —3 m ga boradi. M. l. yengil va unumdor tuproqlarda yaxşi usadi. Yil davomida 3—4 ösiş davriga ega. Yillik ösişining 70—80% bahordagi birinçi ösiş davriga tögri keladi. Bargi uzunçoq, töq yaşil, ters tomoni oç yaşil. 2—3 yil tökilmay turadi. Gullari mayda, juft bölib barg qöltiğida joylaşgan. Apr.mayda şiğil gullaydi. Mevasi uzun-çoq, noksimon, meva yuzasi silliq, bir oz jiloli, vazni 75—80, ba'zan 200 g. Mevasi okt. oxiri — noyab. oyining boşlarida pişa boşlaydi. Mazasi nordon, xuşböy. Tarkibida 25—30 mg% askorbin kta, 2,0—4,0% limon kta, 2,5— 3,0% qand mavjud. Şarbati meva umumiy vaznining 50% ini taşkil qiladi. Noqulay taşqi omillar ta'siriga çidamli nav. —4°, —5° da barglarini, —8°, —9° da daraxtini sovuq uradi. Bir yillik novdalardan qalamçalaş yöli b-n (fev.mart va avg.-sent.da) köpaytiriladi. Issiqxonalarda 3x3 sxemada ekiladi. 2—3-yili meva beradi, 6—7-yili töliq hosilga kiradi. Issiqxona şaroitlarida har tupidan 200—250 dona, ba'zida daraxtlaridan 500—700 donagaça meva oliş mumkin. M. l. Özbekistonning barça viloyatlarida östiriladi (q. Limon).
Q.: Limon
Asl matn (kirill, PDF'dagidek)
МЕЙЕР ЛИМОНИ, хитой лимони — пакана бўйли лимон нави. М. л. лимон б-н апельсин ўртасидаги табиий дурагай ҳисобланади. Хитойда кенг тарқалган. Лимон экиладиган барча ҳудудларда учрайди. Ўзбекистонда ҳимо-яланган шароитларда иссиқхона ва траншеяларда ўстириладиган асосий нав. Паст бўйли, шох-шаббалари ихчам. Очиқ жойда бўйи 2,5 —3 м га боради. М. л. енгил ва унумдор тупроқларда яхши усади. Йил давомида 3—4 ўсиш даврига эга. Йиллик ўсишининг 70—80% баҳордаги биринчи ўсиш даврига тўгри келади. Барги узунчоқ, тўқ яшил, терс томони оч яшил. 2—3 йил тўкилмай туради. Гуллари майда, жуфт бўлиб барг қўлтиғида жойлашган. Апр.майда шиғил гуллайди. Меваси узун-чоқ, ноксимон, мева юзаси силлиқ, бир оз жилоли, вазни 75—80, баъзан 200 г. Меваси окт. охири — нояб. ойининг бошларида пиша бошлайди. Мазаси нордон, хушбўй. Таркибида 25—30 мг% аскорбин кта, 2,0—4,0% лимон кта, 2,5— 3,0% қанд мавжуд. Шарбати мева умумий вазнининг 50% ини ташкил қилади. Ноқулай ташқи омиллар таъсирига чидамли нав. —4°, —5° да баргларини, —8°, —9° да дарахтини совуқ уради. Бир йиллик новдалардан қаламчалаш йўли б-н (фев.март ва авг.-сент.да) кўпайтирилади. Иссиқхоналарда 3x3 схемада экилади. 2—3-йили мева беради, 6—7-йили тўлиқ ҳосилга киради. Иссиқхона шароитларида ҳар тупидан 200—250 дона, баъзида дарахтларидан 500—700 донагача мева олиш мумкин. М. л. Ўзбекистоннинг барча вилоятларида ўстирилади (қ. Лимон).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.