Muhammadjon Karimov
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 170-b. — ziyouz.com
Karimov Muhammadjon (1919.20.6 — Toşkent — 1998.26.7) — xonanda, Özbekiston xalq hofizi (1992). Dutor, tanbur çalişni, mumtoz aşula yöllarini dastlab otasi Karimbobo, Nö'monqori hofizlardan, maqom yöllarini Töyçi hofiz, Domla Halim kabi ustozlardan örgangan. Özbekiston sanoat kengaşi qoşidagi aşula va raqs ansamblida yakkaxon xonanda (1935— 39), Xorazm viloyati teatri, Çorjöy özbek teatri, Mirzaçöl teatrlarida aşulaçi va aktyor (1939—1942). 2- jahon uruşi qatnaşçisi (1942—44). Özbekiston radioqömitasining milliy musiqa ansambli (1944—45), «Maqom» ansamblida xonanda (1960-y.lari), Toşkent ş. turli musiqa maktablari va san'at muassasalarida yoşlarga an'anaviy aşulaçilik sirlarini örgatgan. Repertuaridan maqom yöllari («Dugoh», «Segoh», «Bayot 1 — U»,«Çorgoh» va b.), özbek aşula va katta aşulalar («Samarqand Uşşoği», «Toşkent Irogi», «Girya», «Naylarman», «Qalandar I, II», «Layli va Majnun», «Ulkim jonon», «Ayrilmasun» va b.), özbek bastakorlari asarlari («Sayyora», Hamza; «Ra'nolanmasun», Yu. Rajabiy; «Munojot», I. Ikromov; «Fiğonkim», A. Ubaydullayev va b.), şuningdek, özi musiqa bastalagan qöşiqlar: «Kel, ey dilbar» (Maşrab), «Ka'bam onam» (Ibrohim Adham), «Derlar» (Huvaydo) va b. örin olgan. K. tiniq, kuçli va nihoyatda jozibali ovoz sohibi. Uning ijro uslubi öziga xos dardmandlik, yurakdan jöşib aytiş, çuqur falsafiy mazmun, har bir sözini aniq, dona-dona qilib aytiş b-n ajralib turadi. K. ijro etgan aşulalari Toşkent gram-yozuv studiyasi tomonidan bir neça plastinkada çiqarilgan («M. Karimov kuylaydi», 1969, 1980, 1983 va b.), Özbekiston teleradiokompaniyasi tomonidan uning ijodiga bağişlangan 2 videofilm suratga olingan («Muhammadjon Karimov kuylaydi», 1991; «Munojot», 1997).
Asl matn (kirill, PDF'dagidek)
КАРИМОВ Муҳаммаджон (1919.20.6 — Тошкент — 1998.26.7) — хонанда, Ўзбекистон халқ ҳофизи (1992). Дутор, танбур чалишни, мумтоз ашула йўлларини дастлаб отаси Каримбобо, Нўъмонқори ҳофизлардан, мақом йўлларини Тўйчи ҳофиз, Домла Ҳалим каби устозлардан ўрганган. Ўзбекистон саноат кенгаши қошидаги ашула ва рақс ансамблида яккахон хонанда (1935— 39), Хоразм вилояти театри, Чоржўй ўзбек театри, Мирзачўл театрларида ашулачи ва актёр (1939—1942). 2- жаҳон уруши қатнашчиси (1942—44). Ўзбекистон радиоқўмитасининг миллий мусиқа ансамбли (1944—45), «Мақом» ансамблида хонанда (1960-й.лари), Тошкент ш. турли мусиқа мактаблари ва санъат муассасаларида ёшларга анъанавий ашулачилик сирларини ўргатган. Репертуаридан мақом йўллари («Дугоҳ», «Сегоҳ», «Баёт 1 — У»,«Чоргоҳ» ва б.), ўзбек ашула ва катта ашулалар («Самарқанд Ушшоғи», «Тошкент Ироги», «Гиря», «Найларман», «Қаландар I, II», «Лайли ва Мажнун», «Улким жонон», «Айрилмасун» ва б.), ўзбек бастакорлари асарлари («Сайёра», Ҳамза; «Раъноланмасун», Ю. Ражабий; «Муножот», И. Икромов; «Фиғонким», А. Убайдуллаев ва б.), шунингдек, ўзи мусиқа басталаган қўшиқлар: «Кел, эй дилбар» (Машраб), «Каъбам онам» (Иброҳим Адҳам), «Дерлар» (Ҳувайдо) ва б. ўрин олган. К. тиниқ, кучли ва ниҳоятда жозибали овоз соҳиби. Унинг ижро услуби ўзига хос дардмандлик, юракдан жўшиб айтиш, чуқур фалсафий мазмун, ҳар бир сўзини аниқ, дона-дона қилиб айтиш б-н ажралиб туради. К. ижро этган ашулалари Тошкент грам-ёзув студияси томонидан бир неча пластинкада чиқарилган («М. Каримов куйлайди», 1969, 1980, 1983 ва б.), Ўзбекистон телерадиокомпанияси томонидан унинг ижодига бағишланган 2 видеофильм суратга олинган («Муҳаммаджон Каримов куйлайди», 1991; «Муножот», 1997).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.