Munojotxon Abduvaliyevna Yölçiyeva
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 24-b. — ziyouz.com
Yölçiyeva Munojotxon Abduvaliyevna (1960.26.11, Buloqboşi tumani) — xonanda. Özbekiston xalq artisti (1994). Toşkent konservatoriyasini tugatgan (1985). Ana'naviy xonandalik va maqom san'ati sirlarini M. Mirzayev va Özbekistonda xizmat körsatgan artist Ş. Mirzayevlardan örgangan. Özbekiston teleradioqömitasining «Maqom» ansamblida (1980—82), M. Qoriyoqubov nomidagi Özbek davlat filarmoniyasi (1982 y.dan, 1996 y.dan «Özbeknavo»)da xonanda. Repertuaridan maqom yöllari («Saraxbori Navo», «Saraxbori Dugoh», «Möğulçai Navo», «Talqini Uşşoq» va b.), özbek mumtoz va xalq aşulalari («Uşşoq», «Munojot», «Çorgoh», «Tanavor», «Özgança», «Girya» va b.), katta aşulalar («Ey, dilbari jononim», «Işqing ötiğa» va b.), özbek bastakorlari asarlari — «Nihon etdi», «Mehnat ahli» (M. Mirzayev), «Bul ajab», «Qayondir», «Ra'no kibi» (Ş. Mirzayev) va b. örin olgan. Hofiza özining noyob ovozi, çuqur hissiyot va dardli nolalarga boy ijrosi, öziga xos, yurakdan kuylaş uslubi b-n ajralib turadi. Bastakor va sozanda Ş. Mirzayev boşçiligidagi musiqaçilar guruhi b-n Osiyo, Yevropa, Amerika va Afrika mamlakatlarida bir neça marta gastrolda bölgan. Y. ijro etgan aşulalari gramplastinka (Toşkent, 1981) va kompakt disk (Fransiya, 1995; Germaniya, 1997)larga yozilgan. Uning ijodiga bağişlangan 2 film («Özbekkinoxronika» studiyasi, 1982; «Özbektelefilm» studiyasi, 1983) va 3 videofilm («Özbekteleradiokompaniyasining «Videofilm» studiyasi, 1987, 1993, 2000) suratga olingan. «El-yurt hurmati» ordeni b-n mukofotlangan (1998). «Şarq taronalari» 1-xalqaro musiqa festivalida 1-mukofot sovrindori (1997).
Asl matn (kirill, PDF'dagidek)
ЙЎЛЧИЕВА Муножотхон Абдувалиевна (1960.26.11, Булоқбоши тумани) — хонанда. Ўзбекистон халқ артисти (1994). Тошкент консерваториясини тугатган (1985). Анаънавий хонандалик ва мақом санъати сирларини М. Мирзаев ва Ўзбекистонда хизмат кўрсатган артист Ш. Мирзаевлардан ўрганган. Ўзбекистон телерадиоқўмитасининг «Мақом» ансамблида (1980—82), М. Қориёқубов номидаги Ўзбек давлат филармонияси (1982 й.дан, 1996 й.дан «Ўзбекнаво»)да хонанда. Репертуаридан мақом йўллари («Сарахбори Наво», «Сарахбори Дугоҳ», «Мўғулчаи Наво», «Талқини Ушшоқ» ва б.), ўзбек мумтоз ва халқ ашулалари («Ушшоқ», «Муножот», «Чоргоҳ», «Танавор», «Ўзганча», «Гиря» ва б.), катта ашулалар («Эй, дилбари жононим», «Ишқинг ўтиға» ва б.), ўзбек бастакорлари асарлари — «Ниҳон этди», «Меҳнат аҳли» (М. Мирзаев), «Бул ажаб», «Қаёндир», «Раъно киби» (Ш. Мирзаев) ва б. ўрин олган. Ҳофиза ўзининг ноёб овози, чуқур ҳиссиёт ва дардли нолаларга бой ижроси, ўзига хос, юракдан куйлаш услуби б-н ажралиб туради. Бастакор ва созанда Ш. Мирзаев бошчилигидаги мусиқачилар гуруҳи б-н Осиё, Европа, Америка ва Африка мамлакатларида бир неча марта гастролда бўлган. Й. ижро этган ашулалари грампластинка (Тошкент, 1981) ва компакт диск (Франция, 1995; Германия, 1997)ларга ёзилган. Унинг ижодига бағишланган 2 фильм («Ўзбеккинохроника» студияси, 1982; «Ўзбектелефильм» студияси, 1983) ва 3 видеофильм («Ўзбектелерадиокомпаниясининг «Видеофильм» студияси, 1987, 1993, 2000) суратга олинган. «Эл-юрт ҳурмати» ордени б-н мукофотланган (1998). «Шарқ тароналари» 1-халқаро мусиқа фестивалида 1-мукофот совриндори (1997).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.