Nasafiy
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 84–85-b. — ziyouz.com
Nasafiy NASAFIY, Abul Barakot Abdulloh ibn Ahmad ibn Mahmud an-Nasafiy (? —1310, Bağdod) — mufassir, muhaddis, fiqhşunos. Ustozi Muhammad ibn Abdusattor al-Kardariy bölgan. N. fiqhga doir köplab asarlar yozgan. Olimning «Kanz ud-daqoiq» («Daqiq masalalar xazinasi») asari ayniqsa maşhur. Unda musulmon huquqşunosligi asoslari, xanafiylik va şofi'iylik mazhablarining öziga xos qiyosiy jihatlari aks etgan. Bu risola Nasrulloh ibn Muhammad ibn Jammod al-Irdi Kermoniy tomonidan fors tiliga tarjima qilingan. N.ning «Madorik at-tanzil va haqoyiq atta'vil» («Nozil qilingan Qur'on ma'nolari va tafsir qiliş haqiqatlari») tafsir kitobi ham maşhur. Uni ta'lif etişda imom Zamaxşariyning «Kaşşof» tafsiridan foydalangan. N. tafsiri hozirgaça ulamolar va ilmi toliblar örtasida şuhrat topib kelmoqda va undan islom öquv yurtlarida qöllanma sifatida foydalanilmoqda. N. hayotining sönggi yillarida Bağdodda mudarrislik qilgan. N. asarlari Özbekiston FA Şarqşunoslik in-tining qölyozmalar fondida, boşqa kitob xazinalarida saqlanmoqda.
Asl matn (kirill, PDF'dagidek)
НАСАФИЙ, Абул Баракот Абдуллоҳ ибн Аҳмад ибн Маҳмуд ан-Насафий (? —1310, Бағдод) — муфассир, муҳаддис, фиқҳшунос. Устози Муҳаммад ибн Абдусаттор ал-Кардарий бўлган. Н. фиқҳга доир кўплаб асарлар ёзган. Олимнинг «Канз уд-дақоиқ» («Дақиқ масалалар хазинаси») асари айниқса машҳур. Унда мусулмон ҳуқуқшунослиги асослари, ханафийлик ва шофиъийлик мазҳабларининг ўзига хос қиёсий жиҳатлари акс этган. Бу рисола Насруллоҳ ибн Муҳаммад ибн Жаммод ал-Ирди Кермоний томонидан форс тилига таржима қилинган. Н.нинг «Мадорик ат-танзил ва ҳақойиқ аттаъвил» («Нозил қилинган Қуръон маънолари ва тафсир қилиш ҳақиқатлари») тафсир китоби ҳам машҳур. Уни таълиф этишда имом Замахшарийнинг «Кашшоф» тафсиридан фойдаланган. Н. тафсири ҳозиргача уламолар ва илми толиблар ўртасида шуҳрат топиб келмоқда ва ундан ислом ўқув юртларида қўлланма сифатида фойдаланилмоқда. Н. ҳаётининг сўнгги йилларида Бағдодда мударрислик қилган. Н. асарлари Ўзбекистон ФА Шарқшунослик ин-тининг қўлёзмалар фондида, бошқа китоб хазиналарида сақланмоқда.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.