Nikotin kislotasi
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 233-b. — ziyouz.com
Nikotin kislotasi NIKOTIN KISLOTASI, piridin 3-karbon kislota — suvda oz eriydigan rangsiz kristall. V vitamin guruhiga mansub, suyuklaniş t-rasi 236—237°. Organizmda keng tarqalgan. Sut, baliq, sabzavotlar-mevalar, açitqi, buğdoy kepagi, göşt, ayniqsa, jigar va buyrakda köp. N.k. amidi — nikotinamid (q. Vitaminlar) kofermentlar — nikotinami-dadenindinukleotid (NAD) va nikotinamid-adenindinukleotidfosfat (NADF) tarkibiga kiradi. N.k. ning organizmdagi ahamiyati me'da-içak yöllari epidermasi va epiteliysini hamda nerv sistemasi funksiyasini normal holatda tutib turişdan iborat. Kişining N.k.ga bölgan bir keça-kunduzdagi ehtiyoji 20—30 mg. N.k. yetişmasa, pellagra kelib çiqadi. N.k. pellagradan taşkari, me'da-içak kasalliklari, ateroskleroz va b. kasalliklarni davolaşda xam işlatiladi. Sanoatda nikotinni oksidlab olinadi.
Q.: Vitaminlar
Asl matn (kirill, PDF'dagidek)
НИКОТИН КИСЛОТАСИ, пиридин 3-карбон кислота — сувда оз эрийдиган рангсиз кристалл. В витамин гуруҳига мансуб, суюкланиш т-раси 236—237°. Организмда кенг тарқалган. Сут, балиқ, сабзавотлар-мевалар, ачитқи, буғдой кепаги, гўшт, айниқса, жигар ва буйракда кўп. Н.к. амиди — никотинамид (қ. Витаминлар) коферментлар — никотинами-дадениндинуклеотид (НАД) ва никотинамид-адениндинуклеотидфосфат (НАДФ) таркибига киради. Н.к. нинг организмдаги аҳамияти меъда-ичак йўллари эпидермаси ва эпителийсини ҳамда нерв системаси функциясини нормал ҳолатда тутиб туришдан иборат. Кишининг Н.к.га бўлган бир кеча-кундуздаги эҳтиёжи 20—30 мг. Н.к. етишмаса, пеллагра келиб чиқади. Н.к. пеллаградан ташкари, меъда-ичак касалликлари, атеросклероз ва б. касалликларни даволашда хам ишлатилади. Саноатда никотинни оксидлаб олинади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.