Oqçil
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 326-b. — ziyouz.com
Oqçil — ayollarning jinsiy a'zolaridan ajraladigan çiqindi; qinda doim böladi (q. Jinsiy a'zolar). Odatda, jinsiy a'zolarning teri yoki şilliq qavatlarini qizartirmaydi. Hayz körişdan oldin, homiladorlik va çilla davrida, şuningdek, qizlar baloğatga yetiş davrida O. köproq ajraladi, çunki bu vaqtda jinsiy a'zolarga qon köp quyilib, tuxumdon funksiyasi kuçayadi. Doim ozoda yuradigan ayollarda O. ajralişi sezilmaydi. O.ning rangi, hidi özgarsa (sarğimtir-yaşil, suyuq yoki quyuq, qölansa) yoki odatdagidan köp ajralsa, ayol jinsiy a'zolari sohasida açişiş, qiçişiş sezadi; şu soha doim namlanib turadi. Jinsiy a'zolarning turli kasalliklari (mas, vulvovaginit va b.) yoki organizmning umumiy kasalliklari (mas, sil, kamqonlik, qandli diabet), şuningdek, yurak kasalliklarida O. köp ajraladi. Ayollarda qin devori pastga tuşganda, oraliq yirtilganda, şaxsiy gigiyena qoidalari buzilganda, homiladorlikdan saqlaniş vositalaridan nojoiz foydalanganda va b. hollarda ham O. köp ajralişi mumkin. O. kelişi özgarganda darhol mutaxassis vraçga uçraşiş va tegişli maslahatlar oliş lozim.
Q.: Jinsiy a'zolar
Asl matn (kirill, PDF'dagidek)
ОҚЧИЛ — аёлларнинг жинсий аъзоларидан ажраладиган чиқинди; қинда доим бўлади (қ. Жинсий аъзолар). Одатда, жинсий аъзоларнинг тери ёки шиллиқ қаватларини қизартирмайди. Ҳайз кўришдан олдин, ҳомиладорлик ва чилла даврида, шунингдек, қизлар балоғатга етиш даврида О. кўпроқ ажралади, чунки бу вақтда жинсий аъзоларга қон кўп қуйилиб, тухумдон функцияси кучаяди. Доим озода юрадиган аёлларда О. ажралиши сезилмайди. О.нинг ранги, ҳиди ўзгарса (сарғимтир-яшил, суюқ ёки қуюқ, қўланса) ёки одатдагидан кўп ажралса, аёл жинсий аъзолари соҳасида ачишиш, қичишиш сезади; шу соҳа доим намланиб туради. Жинсий аъзоларнинг турли касалликлари (мас, вульвовагинит ва б.) ёки организмнинг умумий касалликлари (мас, сил, камқонлик, қандли диабет), шунингдек, юрак касалликларида О. кўп ажралади. Аёлларда қин девори пастга тушганда, оралиқ йиртилганда, шахсий гигиена қоидалари бузилганда, ҳомиладорликдан caқланиш воситаларидан ножоиз фойдаланганда ва б. ҳолларда ҳам О. кўп ажралиши мумкин. О. келиши ўзгарганда дарҳол мутахассис врачга учрашиш ва тегишли маслаҳатлар олиш лозим.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.