«Özbekiston markasi» naşriyot markazi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 32-b. — ziyouz.com
«Özbekiston markasi» naşriyot markazi — poçta xizmati, poçta markalarini naşrga tayyorlaş va ularni poçta muomalasiga çiqariş işlari bilan şuğullanadigan taşkilot. 1992 yilda taşkil etilgan. Dastlabki poçta markalari rus va nemis mutaxassislari bilan hamkorlikda işlab çiqarildi. 1996 yildan respublika rassomlari, dizaynerlari va mutaxassislari tomonidan naşrga tayyorlanib, çop etila boşlandi. Poçta markalarida davlatimiz tarixi, xalqimiz madaniyati va an'analari, fan va texnika sohasidagi yutukdar, xalqimizning buyuk siymolari, tarixiy obidalar, respublika hududida ösuvçi kamyob ösimliklar va hayvonot olamida yöqolib borayotgan hayvon turlari aks ettiriladi.
«Ö.m.» n.m. öz mahsulotlari (poçta markalari) bilan xalqaro körgazmalarda iştirok etdi. Markaz filatelistik material tarqatuvçi çet el firmalari va taşkilotlari bilan yozişmalar olib boradi (yana q. Aloqa markalari, Poçta aloqasi, Filateliya).
Q.: Aloqa markalari, Filateliya, Poçta aloqasi
Asl matn (kirill, PDF'dagidek)
«ЎЗБЕКИСТОН МАРКАСИ» НАШРИЁТ МАРКАЗИ — почта хизмати, почта маркаларини нашрга тайёрлаш ва уларни почта муомаласига чиқариш ишлари билан шуғулланадиган ташкилот. 1992 йилда ташкил этилган. Дастлабки почта маркалари рус ва немис мутахассислари билан ҳамкорликда ишлаб чиқарилди. 1996 йилдан республика рассомлари, дизайнерлари ва мутахассислари томонидан нашрга тайёрланиб, чоп этила бошланди. Почта маркаларида давлатимиз тарихи, халқимиз маданияти ва анъаналари, фан ва техника соҳасидаги ютукдар, халқимизнинг буюк сиймолари, тарихий обидалар, республика ҳудудида ўсувчи камёб ўсимликлар ва ҳайвонот оламида йўқолиб бораётган ҳайвон турлари акс эттирилади.
«Ў.м.» н.м. ўз маҳсулотлари (почта маркалари) билан халқаро кўргазмаларда иштирок этди. Марказ филателистик материал тарқатувчи чет эл фирмалари ва ташкилотлари билан ёзишмалар олиб боради (яна қ. Алоқа маркалари, Почта алоқаси, Филателия).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.