«Özbekiston» naşriyot-matbaa ijodiy uyi

Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 44-b. — ziyouz.com

«Özbekiston» naşriyot-matbaa ijodiy uyi — Özbekiston Respublikasi matbuot va axborot agentligi tizimidagi muassasa. 1925 yilda Örta Osiyo Davlat naşriyoti negizida Özbekiston Davlat naşriyoti (Özdavnaşr) nomi bilan taşkil etilgan. Respublikada 30-y. larning 2-yarmiga qadar barça turdagi adabiyotlar Özdavnaşrda çop qilingan. 2-jahon uruşi yillari respublikadagi mustaqil naşriyotlar Özdavnaşrga birlaştirilgan, matbaa korxonalari, kitob savdosi işlari ham uning ixtiyoriga berilgan. Özdavnaşr bölimlari negizida «Öqituvçi» (1949), Davlat badiiy adabiyot naşriyoti (1957), «Meditsina» (1958), «Yoş gvardiya» (1960) naşriyotlari taşkil etilgan. 1964 yildan Özdavnaşr «Özbekiston» naşriyoti deb atala boşlagan. 2004 yilda «Özbekiston», «Mehnat», «Özblanknaşr» naşriyotlari, Toşkent matbaa k-ti birlaştirilib, «Ö.»n.m.i.u.ga aylantirildi. Uning tarkibiga bolalar naşrlari: «Gulxan», «Ğunça» jur.lari, «Tong yulduzi», «Klass!» gaz. lari, «Soğlom avlod», «Zerkalo XXI veka» gaz. lari tahririyatlari kiritildi (naşriyot tarixi haqida yana q. Noşirlik). «Ö» n.m.i.u. Özbekiston Respublikasi qonunlarini, Respublika hukumati qarorlarini va boşqalar rasmiy materiallarni, turli meyoriy hujjatlarni naşrga tayyorlab, çop etadi. Şuningdek, ijtimoiy-siyosiy, iqtisodiy, yuridik adabiyotlarni, oliy va örta maxsus öquv yurtlari, akademik litseylar hamda kasb-hunar kollejlari uçun darsliklar, öquv va metodik qöllanmalar hamda boşqa adabiyotlarni naşr qiladi. Ta'lim özbek, rus, tojik, turkman, qirğiz va qozoq tillarida olib boriladigan umumta'lim maktablari uçun darsliklar çiqaradi. Özbek, qardoş va xorijiy tillarda ilmiyommabop, badiiy adabiyotlar, ma'lumotnomalar, luğatlar, tasviriy san'at mahsulotlari, fotoalbomlar, bukletlar, prospektlar, kalendarlar, plakatlar, körgazmali qurollar, gazetajurnallar, şuningdek, xalq iste'moli mollari bosma mahsulotlari, idora hujjatlari, sinf jurnallari, dasturlar, turli iş qoğozlari (blanklar) ni ham çop etadi.

Sönggi yillarda «Ö.» n.m.i.u. Respublika Prezidenti I. Karimov asarlarining 12 jildini (özbek va rus tillarida), oliy öquv yurtlari talabalari uçun Yo. Töraqulovning «Bioximiya», T.A.Sarimsoqovning «Haqiqiy özgaruvçining funksiyalari nazariyasi», 3. Salimovning «Kimyoviy texnologiyaning asosiy jarayonlari va qurilmalari»ning 1 va 2 jiddlari, M.Salohiddinovning «Matematik fizika tenglamalari», N.A.Parpiyevning «Anorganik kimyo», T. Jörayev va boşqalarning «Oliy matematika asoslari» kabi fundamental darsliklarni, bank tizimi faoliyati bilan boğliq köp jildli meyoriy hujjatlar töplamlarini naşr etdi. «Ö.» n.m.i.u. aholiga, taşkilot hamda muassasalarga noşirlikmatbaa xizmatini körsatadi.

Bosmaxonasida 2003 yilda zamonaviy rangli gaz.larni çop etiş sexi işga tuşirildi. Hoz. kunda (2005) bu sexda 20 dan ortiq gaz. va jur. çop etilmoqda. Ularning bir gallik tiraji 500 ming nusxani taşkil etadi.

«Ö.» n.m.i.u. 2004 yilda 1737 bosma taboq hajmida, 6 mln. 380 ming nusxada kitob, gaz., jur. va boşqalar bosma mahsulotlarni çop etdi.

Şomuhiddin Mansurov.

Q.: Noşirlik

Asl matn (kirill, PDF'dagidek)

«ЎЗБЕКИСТОН» НАШРИЁТ-МАТБАА ИЖОДИЙ УЙИ — Ўзбекистон Республикаси матбуот ва ахборот агентлиги тизимидаги муассаса. 1925 йилда Ўрта Осиё Давлат нашриёти негизида Ўзбекистон Давлат нашриёти (Ўздавнашр) номи билан ташкил этилган. Республикада 30-й. ларнинг 2-ярмига қадар барча турдаги адабиётлар Ўздавнашрда чоп қилинган. 2-жаҳон уруши йиллари республикадаги мустақил нашриётлар Ўздавнашрга бирлаштирилган, матбаа корхоналари, китоб савдоси ишлари ҳам унинг ихтиёрига берилган. Ўздавнашр бўлимлари негизида «Ўқитувчи» (1949), Давлат бадиий адабиёт нашриёти (1957), «Медицина» (1958), «Ёш гвардия» (1960) нашриётлари ташкил этилган. 1964 йилдан Ўздавнашр «Ўзбекистон» нашриёти деб атала бошлаган. 2004 йилда «Ўзбекистон», «Меҳнат», «Ўзбланкнашр» нашриётлари, Тошкент матбаа к-ти бирлаштирилиб, «Ў.»н.м.и.у.га айлантирилди. Унинг таркибига болалар нашрлари: «Гулхан», «Ғунча» жур.лари, «Тонг юлдузи», «Класс!» газ. лари, «Соғлом авлод», «Зеркало XXI века» газ. лари таҳририятлари киритилди (нашриёт тарихи ҳақида яна қ. Ноширлик). «Ў» н.м.и.у. Ўзбекистон Республикаси қонунларини, Республика ҳукумати қарорларини ва бошқалар расмий материалларни, турли меъёрий ҳужжатларни нашрга тайёрлаб, чоп этади. Шунингдек, ижтимоий-сиёсий, иқтисодий, юридик адабиётларни, олий ва ўрта махсус ўқув юртлари, академик лицейлар ҳамда касб-ҳунар коллежлари учун дарсликлар, ўқув ва методик қўлланмалар ҳамда бошқа адабиётларни нашр қилади. Таълим ўзбек, рус, тожик, туркман, қирғиз ва қозоқ тилларида олиб бориладиган умумтаълим мактаблари учун дарсликлар чиқаради. Ўзбек, қардош ва хорижий тилларда илмийоммабоп, бадиий адабиётлар, маълумотномалар, луғатлар, тасвирий санъат маҳсулотлари, фотоальбомлар, буклетлар, проспектлар, календарлар, плакатлар, кўргазмали қуроллар, газетажурналлар, шунингдек, халқ истеъмоли моллари босма маҳсулотлари, идора ҳужжатлари, синф журналлари, дастурлар, турли иш қоғозлари (бланклар) ни ҳам чоп этади.

Сўнгги йилларда «Ў.» н.м.и.у. Республика Президенти И. Каримов асарларининг 12 жилдини (ўзбек ва рус тилларида), олий ўқув юртлари талабалари учун Ё. Тўрақуловнинг «Биохимия», Т.А.Саримсоқовнинг «Ҳақиқий ўзгарувчининг функциялари назарияси», 3. Салимовнинг «Кимёвий технологиянинг асосий жараёнлари ва қурилмалари»нинг 1 ва 2 жиддлари, М.Салоҳиддиновнинг «Математик физика тенгламалари», Н.А.Парпиевнинг «Анорганик кимё», Т. Жўраев ва бошқаларнинг «Олий математика асослари» каби фундаментал дарсликларни, банк тизими фаолияти билан боғлиқ кўп жилдли меъёрий ҳужжатлар тўпламларини нашр этди. «Ў.» н.м.и.у. аҳолига, ташкилот ҳамда муассасаларга ноширликматбаа хизматини кўрсатади.

Босмахонасида 2003 йилда замонавий рангли газ.ларни чоп этиш цехи ишга туширилди. Ҳоз. кунда (2005) бу цехда 20 дан ортиқ газ. ва жур. чоп этилмоқда. Уларнинг бир галлик тиражи 500 минг нусхани ташкил этади.

«Ў.» н.м.и.у. 2004 йилда 1737 босма табоқ ҳажмида, 6 млн. 380 минг нусхада китоб, газ., жур. ва бошқалар босма маҳсулотларни чоп этди.

Шомуҳиддин Мансуров.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.