Özbekiston Respublikasining sud hokimiyati
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 78–79-b. — ziyouz.com
Özbekiston Respublikasining sud hokimiyati — Özbekistonda davlat hokimiyatining alohida mustaqil (qonun çiqaruvçi va ijro etuvçi hokimiyatlar bilan bir qatordagi) tarmoği. Uning zimmasiga davlat idoralari, fuqarolarning turlituman uyuşmalari va alohida şaxslar örtasidagi munosabatlarning huquq (qonun) doirasida keçişini va hal etilişini ta'minlaş vazifasi yuklatilgan. Sud hokimiyatiga xos xususiyatlar sudlovning davlat nomidan, maxsus tartibda taşkil etilgan (saylangan yoki tayinlangan) muassasalar (q. Sud tizimi) tomonidan amalga oşirilişi, sudlarning öz faoliyatida faqat qonunga böysunişi hamda fuqarolik, ma'muriy, jinoiy va boşqalar işlarni qonunda belgilangan protsessual tartibda hal etişi, sudlar boşqa hokimiyat tarmoqlaridan mustaqil faoliyat yuritişi, sudning tanholigi (ya'ni davlatning boşqa heç qaysi idorasi sudlov funksiyalarini öz zimmasiga ololmasligi), sud hokimiyatining tölaqonli va qat'iyligi (sud hokimiyati çiqargan hujjatlar, hukm va qarori barça davlat organlari, jamoat birlaşmalari, korxonalar, muassasalar, taşkilotlar, mansabdor şaxslar va fuqarolar uçun majburiyligi) da namoyon böladi. Mamlakatimizdagi sud hokimiyatining huquqiy maqomi, tuzilişi Özbekiston Respublikasining Konstitutsiyasi va «Sudlar töğrisida»gi qonuni (2000 yil 14 dek.)da belgilab berilgan (yana q. Sud hokimiyati).
Q.: Sud tizimi, Sud hokimiyati
Asl matn (kirill, PDF'dagidek)
ЎЗБЕКИСТОН РЕСПУБЛИКАСИНИНГ СУД ҲОКИМИЯТИ — Ўзбекистонда давлат ҳокимиятининг алоҳида мустақил (қонун чиқарувчи ва ижро этувчи ҳокимиятлар билан бир қатордаги) тармоғи. Унинг зиммасига давлат идоралари, фуқароларнинг турлитуман уюшмалари ва алоҳида шахслар ўртасидаги муносабатларнинг ҳуқуқ (қонун) доирасида кечишини ва ҳал этилишини таъминлаш вазифаси юклатилган. Суд ҳокимиятига хос хусусиятлар судловнинг давлат номидан, махсус тартибда ташкил этилган (сайланган ёки тайинланган) муассасалар (қ. Суд тизими) томонидан амалга оширилиши, судларнинг ўз фаолиятида фақат қонунга бўйсуниши ҳамда фуқаролик, маъмурий, жиноий ва бошқалар ишларни қонунда белгиланган процессуал тартибда ҳал этиши, судлар бошқа ҳокимият тармоқларидан мустақил фаолият юритиши, суднинг танҳолиги (яъни давлатнинг бошқа ҳеч қайси идораси судлов функцияларини ўз зиммасига ололмаслиги), суд ҳокимиятининг тўлақонли ва қатъийлиги (суд ҳокимияти чиқарган ҳужжатлар, ҳукм ва қарори барча давлат органлари, жамоат бирлашмалари, корхоналар, муассасалар, ташкилотлар, мансабдор шахслар ва фуқаролар учун мажбурийлиги) да намоён бўлади. Мамлакатимиздаги суд ҳокимиятининг ҳуқуқий мақоми, тузилиши Ўзбекистон Республикасининг Конституцияси ва «Судлар тўғрисида»ги қонуни (2000 йил 14 дек.)да белгилаб берилган (яна қ. Суд ҳокимияти).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.