Özfan
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 120–121-b. — ziyouz.com
Özfan (rus. Uzbekskiy filial Akademii nauk SSSR sözlaridan), SSSR Fanlar akademiyasining Özbekiston filiali — 1940—43 yillarda Özbekistondagi ilmiy tekşiriş markazi. 1940 yil 9 yanv.da Fan komiteti negizida taşkil etilgan. Tarkibiga dastlab geol., tarix, til va adabiyot, suv xöjaligi muammolari, botanika, kimyo ilmiy tekşiriş institutlari, tuproqşunoslik, zool., fizikamat. fanlari sektorlari, Toşkent Astronomiya rasadxonasi va uning huzuridagi Kitob kenglik st-yasi, iqtisodiy tadqiqotlar hamda xaritagrafiya byurolari kirgan. Asosiy vazifasi respublikada fanning turli sohalarini taraqqiy ettirişdan iborat bölgan. Taşkil etilgan yili Özbekistonda 70 ga yaqin ilmiy taşkilot bölib, ularga rahbarlik qiliş ÖzFAN zimmasiga yuklatilgan. 2-jahon uruşi yillari Ö. ilmiy tadqiqot muassasalari faoliyatini respublika tabiiy boyliklari va resurslarini qidirib topiş va ulardan mudofaa maqsadlarida foydalanişga qaratdi hamda respublikada oğir sanoat va q.x.ni rivojlantiriş vazifalarini hal etişda yetakçi rol öynadi. Natijada Özbekistonda FAning oçilişi uçun yetarli darajada ilmiy va ilmiy texnika bazasi vujudga keldi. 1943 yil Ö. negizida Özbekiston Fanlar akademiyasi taşkil etildi (q. Özbekiston Respublikasi Fanlar akademiyasi).
Q.: Özbekiston Respublikasi Fanlar akademiyasi
Asl matn (kirill, PDF'dagidek)
ЎЗФАН (рус. Узбекский филиал Академии наук СССР сўзларидан), СССР Фанлар академиясининг Ўзбекистон филиали — 1940—43 йилларда Ўзбекистондаги илмий текшириш маркази. 1940 йил 9 янв.да Фан комитети негизида ташкил этилган. Таркибига дастлаб геол., тарих, тил ва адабиёт, сув хўжалиги муаммолари, ботаника, кимё илмий текшириш институтлари, тупроқшунослик, зоол., физикамат. фанлари секторлари, Тошкент Астрономия расадхонаси ва унинг ҳузуридаги Китоб кенглик ст-яси, иқтисодий тадқиқотлар ҳамда харитаграфия бюролари кирган. Асосий вазифаси республикада фаннинг турли соҳаларини тараққий эттиришдан иборат бўлган. Ташкил этилган йили Ўзбекистонда 70 га яқин илмий ташкилот бўлиб, уларга раҳбарлик қилиш ЎзФАН зиммасига юклатилган. 2-жаҳон уруши йиллари Ў. илмий тадқиқот муассасалари фаолиятини республика табиий бойликлари ва ресурсларини қидириб топиш ва улардан мудофаа мақсадларида фойдаланишга қаратди ҳамда республикада оғир саноат ва қ.х.ни ривожлантириш вазифаларини ҳал этишда етакчи роль ўйнади. Натижада Ўзбекистонда ФАнинг очилиши учун етарли даражада илмий ва илмий техника базаси вужудга келди. 1943 йил Ў. негизида Ўзбекистон Фанлар академияси ташкил этилди (қ. Ўзбекистон Республикаси Фанлар академияси).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.