Parij milliy kutubxonasi
Manba: ÖzME, 6-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 82–83-b. — ziyouz.com
Parij milliy kutubxonasi — jahondagi eng qad. va yirik kutubxonalardan biri; Parij ş.da joylaşgan. 1480 y.da Qirollik kutubxonasi sifatida asos solingan; 1795 y.da Konvent tomonidan milliy kutubxona deb e'lon qilingan. P.m.k.da 12 bölim va 5 milliy markaz (bibliografiya, kitob ayirboşlaş va b.) faoliyat körsatadi. Fondida köp qismi noyob va nodir naşrlar bölgan 300 mingdan ziyod qölyozmalar saqlanadi, 6 mln. gravyura va estamplar, 500 ming nomdan ortiq davriy naşrlar, 800 ming kartinalar, 450 ming medal va tangalar va b. bor. Fransiya tarixi b-n boğliq köp sonli adabiyotlar va hujjatlar, taniqli fransuz siyosiy arboblari, olim va yozuvçilari dastxatlarining nodir töplami, 19-a. fransuz ensiklopedistlarining boy töplamlari maşhur.
P.m.k. fondidagi Vatan naşrlari 1537 y.dan kutubxona oladigan mamlakat bosma naşrining majburiy nusxasi asosida yiğiladi, xorijiy naşrlar bilimlarning barça sohalari böyiça (köp qismi adabiyot, tarix va san'at böyiça ixtisoslaşgan) umumiy xusu-siyatga ega bölgan işlardan iborat.
P.m.k. 1839 y.dan sistemali katalogni muntazam yuritadi, 1850 y.dan uning alohida qismlari bosma kataloglar körinişida çiqa boşlagan.
Jumladan, 1897 y.dan «Milliy kutubxona bosma kitoblarining boş katalogi. Mualliflik turkumi» naşr etiladi. Mualliflarning ismi, familiyasi, ular yaşagan sanalar, asarlari naşr qilingan tillari böyiça tuzilgan avtomatlaştirilgan ma'lumotlar bazasini işlab çiqqan.
1996 y.da Fransua Mitteran saydi tuzilgan, unda 200 mingdan ortiqjild ensiklopediyalar töplami yiğilgan; 1998 y.da audio-video hamda bosma asarlar zamonaviy elektron saydga kiritilgan.
Asl matn (kirill, PDF'dagidek)
ПАРИЖ МИЛЛИЙ КУТУБХОНАСИ — жаҳондаги энг қад. ва йирик кутубхоналардан бири; Париж ш.да жойлашган. 1480 й.да Қироллик кутубхонаси сифатида асос солинган; 1795 й.да Конвент томонидан миллий кутубхона деб эълон қилинган. П.м.к.да 12 бўлим ва 5 миллий марказ (библиография, китоб айирбошлаш ва б.) фаолият кўрсатади. Фондида кўп қисми ноёб ва нодир нашрлар бўлган 300 мингдан зиёд қўлёзмалар сақланади, 6 млн. гравюра ва эстамплар, 500 минг номдан ортиқ даврий нашрлар, 800 минг картиналар, 450 минг медаль ва тангалар ва б. бор. Франция тарихи б-н боғлиқ кўп сонли адабиётлар ва ҳужжатлар, таниқли француз сиёсий арбоблари, олим ва ёзувчилари дастхатларининг нодир тўплами, 19-а. француз энциклопедистларининг бой тўпламлари машҳур.
П.м.к. фондидаги Ватан нашрлари 1537 й.дан кутубхона оладиган мамлакат босма нашрининг мажбурий нусхаси асосида йиғилади, хорижий нашрлар билимларнинг барча соҳалари бўйича (кўп қисми адабиёт, тарих ва санъат бўйича ихтисослашган) умумий хусу-сиятга эга бўлган ишлардан иборат.
П.м.к. 1839 й.дан системали каталогни мунтазам юритади, 1850 й.дан унинг алоҳида қисмлари босма каталоглар кўринишида чиқа бошлаган.
Жумладан, 1897 й.дан «Миллий кутубхона босма китобларининг бош каталоги. Муаллифлик туркуми» нашр этилади. Муаллифларнинг исми, фамилияси, улар яшаган саналар, асарлари нашр қилинган тиллари бўйича тузилган автоматлаштирилган маълумотлар базасини ишлаб чиққан.
1996 й.да Франсуа Миттеран сайди тузилган, унда 200 мингдан ортиқжилд энциклопедиялар тўплами йиғилган; 1998 й.да аудио-видео ҳамда босма асарлар замонавий электрон сайдга киритилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.