Poliartrit
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 301-b. — ziyouz.com
Poliartrit (poli... va artrit) — bir neça böğimlarning bir vaqtda yoki ketma-ket yalliğlanişi. Mustaqil kasallik (infeksion nospetsifik — revmatoid P.) tarzida paydo böladi, şuningdek, revmatizm, sepsis, podagra, ba'zan brutsellyoz, sil, zaxm kabi yuqumli kasalliklar oqibatida röy beradi. Kasallikning turiga, organizmning reaksiyasiga, jarayonning oğir-yengilligiga köra, zardobli, yiringli, nekrotik P. farq qilinadi. Ötkir va surunkali böladi.
Ötkir P. 2 ga bölinadi: revmatik P. — bunda böğimlarning yalliğlanişi köpinça zardobli, fibrinli bölib, yalliğlaniş bir böğimdan ikkinçi böğimga ötadi va mayda böğimlarga tarqaladi; epidemik P.— bunda bemor isitmalaydi, quvvatsizlanadi, böğimlar oğriydi, şişadi, terisi qizaradi, oyoq-qöl barmoklariga suv çeçakdagiga öxşaş toşmalar toşadi, harakati çegaralanadi.
Surunkali P.ga organizmda moddalar almaşinuvining buzilişi, içki sekretsiya bezlari funksiyasining özgarişi, murtaklarning yalliğlanişi sabab böladi. P.ga sabab bölgan asosiy kasallik davolanadi, antibiotiklar, antigistamin preparatlar beriladi, oğriq qoldiruvçi vositalar va fizioterapiya qöllanadi (yana q. Artrit).
Q.: Artrit
Asl matn (kirill, PDF'dagidek)
ПОЛИАРТРИТ (поли... ва артрит) — бир неча бўғимларнинг бир вақтда ёки кетма-кет яллиғланиши. Мустақил касаллик (инфекцион носпецифик — ревматоид П.) тарзида пайдо бўлади, шунингдек, ревматизм, сепсис, подагра, баъзан бруцеллёз, сил, захм каби юқумли касалликлар оқибатида рўй беради. Касалликнинг турига, организмнинг реакциясига, жараённинг оғир-енгиллигига кўра, зардобли, йирингли, некротик П. фарқ қилинади. Ўткир ва сурункали бўлади.
Ўткир П. 2 га бўлинади: ревматик П. — бунда бўғимларнинг яллиғланиши кўпинча зардобли, фибринли бўлиб, яллиғланиш бир бўғимдан иккинчи бўғимга ўтади ва майда бўғимларга тарқалади; эпидемик П.— бунда бемор иситмалайди, қувватсизланади, бўғимлар оғрийди, шишади, териси қизаради, оёқ-қўл бармокларига сув чечакдагига ўхшаш тошмалар тошади, ҳаракати чегараланади.
Сурункали П.га организмда моддалар алмашинувининг бузилиши, ички секреция безлари функциясининг ўзгариши, муртакларнинг яллиғланиши сабаб бўлади. П.га сабаб бўлган асосий касаллик даволанади, антибиотиклар, антигистамин препаратлар берилади, оғриқ қолдирувчи воситалар ва физиотерапия қўлланади (яна қ. Артрит).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.