Qöşbuloq oltin koni

Qöşbuloq oltin koni - Angren ş.dan 15 km jan.da, Qurama tizmasining şim. yon bağridagi kon. 1959 y.da topilgan. 1966 y.dan özlaşti-rilmoqda. Konning mayd. 10 km2. Örta karbon davriga mansub andezit-datsit formatsiyali, qalinligi 2,5 km gaça bölgan vulkanogen yotqiziqlari qoplamidan tarkib topgan Qöşbuloq kalderasida rivojlangan. Rudalaniş kvars-sulfidli tomirlarda va kvarslaniş zonalarida sodir bölgan. Mineral tarkibi böyiça oltin-sulfid-kvarsli telluridli formatsiyaga tegişli. Rudalarning tarkibida köproq kvars va kamroq miqdorda karbonat, seritsitlardan taşqari, turli sulfidlar va kam darajada sulfatuzlar, telluridlar, oksidlar, tuğma elementlar mavjud. turli ruda tanalarida rudali minerallarning miqdori har xil (5 dan 15— 20% gaça). Konda oltin-sulfid-tel-luridli assotsiatsiya asosiy oltin mahsulotli hisoblanadi. Yertomir minerallari kvars, karbonat, seritsitlardan taşkil topgan. Asosiy rudali minerallar piryt, xira rudalar, oltin va kumuşning telluridlari, tuğma oltinlardir. Ba'zan qalay minerali (kassiterit) uçraydi. Kon rudalari majmuali: asosiy komponen-tlari oltin (13,4 g/t), kumuş (112,4 g/t gaça); yöl-yölakaylari mis (0,29%), selen (0,0004%), tellur (101,6 g/t), vismut (0,01%). Rudalar 32 ta yirik rudali strukturalarda mujassamlaşgan, hoz. vaqtda 120 taça ruda tanalari aniqlab örganilgan. Konda ruda tanalarining ikki morfologik turi mavjud. Birinçi turga uz. 632 m gaça bölgan va özga-ruvçi qalinlikka (0,1 —10,2 m, örtaça 3,8 m) ega bölgan, ruda notekis tarqalgan tomirlar va minerallaşgan zonalar kiradi. Ular tik va qiya holda muvofiq yotadi. Ikkinçi turga murakkab geologik tuzilişga ega bölgan tik yotuvçi quvursimon tomirli tanalar yoki notöğri şaklli eksp-loziv brekçiyalar tanalari kiradi. Burğilaş ma'lumotlariga köra rudalaniş kölami 1500 m çuq.gaça boradi. Kondan hoz. vaqtda foydalanilmoqda. Çuqur gorizontlari va çekka qismlari hali yaxşi örganilmagan.