Renaturatsiya
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 155-b. — ziyouz.com
Renaturatsiya (re... va lot. natura — tabiiy xususiyat) — denaturatsiyaga uçragan biopolimer (Mas, oqsil yoki nuklein kislota) molekulasining biologik nativ (faol) holatga ötişi (q. Denaturatsiya). Agar denaturatsiyada oqsil molekulasi ixçam taxlangan (tartibli) holatdan tartibsiz holatga ötadigan bölsa, R.da buning teskarisi sodir böladi, ya'ni oqsil molekulasining polipeptid zanjirida aminokislotalarning ketmaketligi tartibi orqali ifodalanadigan birlamça strukturasi qayta tiklanadi. 2 zanjirli DNK molekulasini 100° ga qizdirilganida asoslar örtasidagi vodorod boğlar uziladi va komplementar zanjirlar bir-biridan ajralib, DNK denaturatsiyaga uçraydi. Biroq, asta-sekin sovitilganda DNKning komplementar zanjirlari yana tiklanişi, ya'ni R. sodir bölişi mumkin. DNKning bu xususiyatidan sun'iy gibrid DNK olişda foydalaniladi.
Q.: Denaturatsiya
Asl matn (kirill, PDF'dagidek)
РЕНАТУРАЦИЯ (ре... ва лот. natura — табиий хусусият) — денатурацияга учраган биополимер (Мас, оқсил ёки нуклеин кислота) молекуласининг биологик натив (фаол) ҳолатга ўтиши (қ. Денатурация). Агар денатурацияда оқсил молекуласи ихчам тахланган (тартибли) ҳолатдан тартибсиз ҳолатга ўтадиган бўлса, Р.да бунинг тескариси содир бўлади, яъни оқсил молекуласининг полипептид занжирида аминокислоталарнинг кетмакетлиги тартиби орқали ифодаланадиган бирламча структураси қайта тикланади. 2 занжирли ДНК молекуласини 100° га қиздирилганида асослар ўртасидаги водород боғлар узилади ва комплементар занжирлар бир-биридан ажралиб, ДНК денатурацияга учрайди. Бироқ, аста-секин совитилганда ДНКнинг комплементар занжирлари яна тикланиши, яъни Р. содир бўлиши мумкин. ДНКнинг бу хусусиятидан сунъий гибрид ДНК олишда фойдаланилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.