Şrift
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 231-b. — ziyouz.com
Şrift (nem. yozmoq) — matbaada — harf teriş maşinalarida matnlar teriş uçun möljallangan bosmaxona literlari (harflari). Vazifasiga köra, matnlarni teriş; muqovalar, titul varaqlari, sarlavhalarni teriş va kiçik bosmaxona formalari (diplomlar, blanklar, etiketkalar, e'lonlar va h.k.) matnlarini teriş uçun möljallangan Ş.larga bölinadi. Bosmaxona Ş.lari yoziliş şakliga, ya'ni qiyaligiga qarab, töğri, kursiv, qiya; normal, ensiz, enli; oddiy (oq), yarim qora, qora Ş.larga bölinadi. Yoziliş şakli bir xil bölgan Ş.lar turli kegldat Ş.larga bölinadi; kegli va yoziliş şakli turliça, lekin yozilişi bir xil bölgan Ş.lar şrift garniturasi deb ataluvçi bitta guruhga birlaşadi (q. Garnitura). Garnitura jurnal uçun möljallangan, darsliklarga möljallangan va boşqalar xillarga bölinadi. Bulardan taşqari, çizmaçilik Ş.lari ham bor. Ular qölda yozilib, çizmaga qöşimça tuşuntirişlar beriş, texnik hujjatlarni töldiriş va boşqalarda qöllaniladi. Bosmaxona Ş.lari standartlaştirib qöyiladi. Özbekistonda Ş.lar 6 guruh qilib standartlaştirilgan.
Q.: Garnitura
Asl matn (kirill, PDF'dagidek)
ШРИФТ (нем. ёзмоқ) — матбаада — ҳарф териш машиналарида матнлар териш учун мўлжалланган босмахона литерлари (ҳарфлари). Вазифасига кўра, матнларни териш; муқовалар, титул варақлари, сарлавҳаларни териш ва кичик босмахона формалари (дипломлар, бланклар, этикеткалар, эълонлар ва ҳ.к.) матнларини териш учун мўлжалланган Ш.ларга бўлинади. Босмахона Ш.лари ёзилиш шаклига, яъни қиялигига қараб, тўғри, курсив, қия; нормал, энсиз, энли; оддий (оқ), ярим қора, қора Ш.ларга бўлинади. Ёзилиш шакли бир хил бўлган Ш.лар турли кеглдат Ш.ларга бўлинади; кегли ва ёзилиш шакли турлича, лекин ёзилиши бир хил бўлган Ш.лар шрифт гарнитураси деб аталувчи битта гуруҳга бирлашади (қ. Гарнитура). Гарнитура журнал учун мўлжалланган, дарсликларга мўлжалланган ва бошқалар хилларга бўлинади. Булардан ташқари, чизмачилик Ш.лари ҳам бор. Улар қўлда ёзилиб, чизмага қўшимча тушунтиришлар бериш, техник ҳужжатларни тўлдириш ва бошқаларда қўлланилади. Босмахона Ш.лари стандартлаштириб қўйилади. Ўзбекистонда Ш.лар 6 гуруҳ қилиб стандартлаштирилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.