Televizion san'at
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 234-b. — ziyouz.com
Televizion san'at - borliq ni televideniye orqali tasvirlovçi san'at turi. T.ye. «badiiy televideniye» ahamiyatini bildiruvçi atama sifatida qöllaniladi. San'atning boşqa turlari (kino, teatr, adabiyot, tasviriy san'at, musiqa va b.) bilan töqnaş holda yuzaga kelgan. T.ye. nafakat ularning asosiy tasviriy ifoda vositalarini meros qilib oldi, balki tasvirlanayotgan voqeaga maksimal yaqinlaşuv, mahsulotlarni montaj qiliş, boşlovçi yoki telekörsatuv qatnaşçilarining tomoşabinlarga murojaati, şuningdek, tomoşalarni davriy yoki seriallarga bölib körsatişdek öziga xos san'at yaratdi. Televizion körsatuvlarda ma'lum ğoya va maqsad közda tutiladi. Bu ğoyani muayyan voqeahodisa zamirida amalga oşiriş uslubiga qarab 2 yirik turga: informatsion (hujjatli) va badiiy televideniyega ajratiladi. Informatsion televideniyedagi turkum körsatuvlarda voqelik heç bir ortiqça böyoqsiz, tomoşabinga asl xrlida yetkaziladi («Axborot», «Davr», «Yangiliklar» va b.). Badiiy televideniyening mahsulotlari esa badiiy san'at va yuksak estetik talablarga javob beroladigan, voqelikni nafis san'at vositalari, obrazlar orqali ifoda etuvçi televizion drama va körsatuvlarga asoslanadi (yana q. Televideniye).
Sabohat Hayitmatova, Feruza Fayziyeva.
Q.: Televideniye
Asl matn (kirill, PDF'dagidek)
ТЕЛЕВИЗИОН САНЪАТ - борлиқ ни телевидение орқали тасвирловчи санъат тури. Т.е. «бадиий телевидение» аҳамиятини билдирувчи атама сифатида қўлланилади. Санъатнинг бошқа турлари (кино, театр, адабиёт, тасвирий санъат, мусиқа ва б.) билан тўқнаш ҳолда юзага келган. Т.е. нафакат уларнинг асосий тасвирий ифода воситаларини мерос қилиб олди, балки тасвирланаётган воқеага максимал яқинлашув, маҳсулотларни монтаж қилиш, бошловчи ёки телекўрсатув қатнашчиларининг томошабинларга мурожаати, шунингдек, томошаларни даврий ёки сериалларга бўлиб кўрсатишдек ўзига хос санъат яратди. Телевизион кўрсатувларда маълум ғоя ва мақсад кўзда тутилади. Бу ғояни муайян воқеаҳодиса замирида амалга ошириш услубига қараб 2 йирик турга: информацион (ҳужжатли) ва бадиий телевидениега ажратилади. Информацион телевидениедаги туркум кўрсатувларда воқелик ҳеч бир ортиқча бўёқсиз, томошабинга асл хрлида етказилади («Ахборот», «Давр», «Янгиликлар» ва б.). Бадиий телевидениенинг маҳсулотлари эса бадиий санъат ва юксак эстетик талабларга жавоб бероладиган, воқеликни нафис санъат воситалари, образлар орқали ифода этувчи телевизион драма ва кўрсатувларга асосланади (яна қ. Телевидение).
Сабоҳат Ҳайитматова, Феруза Файзиева.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.