Texnik gazlama
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 343-b. — ziyouz.com
Texnik gazlama — maşinalar, qurilmalar, inşootlarning qismlari, turlituman texnika buyumlari tayyorlaşda işlatiladigan töqimaçilik matolari. Deyarli barça töqimaçilik tolalari va iplaridan töqiladi. T.g. sifatida ba'zi maişiy matolar (mas., doka, mitkal, sarja) ham işlatilişi mumkin. Bulardan çizmaçilik kalkalari, qistirmalar, maşina örindiklarining ğiloflari tayyorlanadi. T.g.larga maişiy gazlamalarga nisbatan yuqoriroq talablar quyiladi. Köpçilik T.g.lar polotnoli örilişda (q. Öriliş) bir va köp qatlamli qilib tayyorlanadi, çunki bu örilişda arqoq bilan tanda orasidagi boğlaniş mustahkamroq böladi (q. Tökimaçilik). Eng keng tarqalgan T.g.lar: brezent, kirza, kordbop, tasmabop, transportyorbop matolar, öt öçiriş yenglari tayyorlanadigan mato, presslaş va filtrlaş (suziş) matolari. Bulardan taşqari, paraşyutlar, puflama inşootlarning qobiklari, tentlar (soyabonlar), sun'iy çarm, elaklar tayyorlanadigan matolar ham T.g. jumlasiga kiradi. Ba'zi sanoat tarmoqlarida T.g. örniga sintetik plyonkalar işlatiladi. Özbekistonda T.g.larning barça turlari işlab çiqariladi.
Q.: Öriliş
Asl matn (kirill, PDF'dagidek)
ТЕХНИК ГАЗЛАМА — машиналар, қурилмалар, иншоотларнинг қисмлари, турлитуман техника буюмлари тайёрлашда ишлатиладиган тўқимачилик матолари. Деярли барча тўқимачилик толалари ва ипларидан тўқилади. Т.г. сифатида баъзи маиший матолар (мас., дока, миткаль, саржа) ҳам ишлатилиши мумкин. Булардан чизмачилик калькалари, қистирмалар, машина ўриндикларининг ғилофлари тайёрланади. Т.г.ларга маиший газламаларга нисбатан юқорироқ талаблар қуйилади. Кўпчилик Т.г.лар полотноли ўрилишда (қ. Ўрилиш) бир ва кўп қатламли қилиб тайёрланади, чунки бу ўрилишда арқоқ билан танда орасидаги боғланиш мустаҳкамроқ бўлади (қ. Тўкимачилик). Энг кенг тарқалган Т.г.лар: брезент, кирза, кордбоп, тасмабоп, транспортёрбоп матолар, ўт ўчириш енглари тайёрланадиган мато, пресслаш ва фильтрлаш (сузиш) матолари. Булардан ташқари, парашютлар, пуфлама иншоотларнинг қобиклари, тентлар (соябонлар), сунъий чарм, элаклар тайёрланадиган матолар ҳам Т.г. жумласига киради. Баъзи саноат тармоқларида Т.г. ўрнига синтетик плёнкалар ишлатилади. Ўзбекистонда Т.г.ларнинг барча турлари ишлаб чиқарилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.