Ubaydulla Isroiloviç Karimov

Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 171–172-b. — ziyouz.com

Karimov Ubaydulla Isroiloviç (1920.1.4 — Toşkent — 1997.11.10) — şarqşunos olim. Özbekiston FA akad. (1995), Özbekistonda xizmat körsatgan fan arbobi (1980), filol. fanlari dri (1972). Örta Osiyo industrial in-tining kimyo-texnologiya f-ti (1941) va Örta Osiyo un-tining şarq f-tini (1949) tugatgan. 2-jahon uruşi qatnaşçisi (1941—42). Örta Osiyo unti şarq f-tida fors tilidan dars bergan (1949—52). Özbekiston FA Şarqşunoslik in-tida kiçik, söng katta ilmiy xodim (1952— 58), Şarq qölyozmalarini tavsiflaş va kataloglaştiriş (1959—75), Şarq yozma yodgorliklarini örganiş va naşr etiş (1976—88) bölimlari mudiri, yetakçi ilmiy xodim (1988—90), boş ilmiy xodim (1990-97).

K.ning asosiy ilmiy faoliyati Şarq kimyosi, dorişunosligi, tabobat tarixi kabi sohalarni örganişga qaratilgan. U şu sohalarga oid arab va fors tillaridagi yirik qölyozma manbalarini tarjima va tadqiq etgan. K. Şarqşunoslik in-tining qölyozmalar fondidagi Abu Bakr Muhammad ibn Zakariyo ar-Roziyning fanga noma'lum bölgan kimyoga doir asari — «Kitob sirr ul-asror» («Sirlar siri kitobi») qölyozmasini örganib, bu haqda ilmiy asar yozdi. K. Abu Ali ibn Sino ilmiy merosining asosiy tadqiqotçisi va tarjimonidir. U Ibn Sino «Tib qonunlari» asarining özbek va rus tillaridagi töliq naşrini tayyorlaş va tarjima qilişda qatnaşgan. Beruniyning «Kitob as-saydana fit-tibb» («Farmakognoziya») asarini tarjima va tadqiq etgan. Beruniyning rus tilidagi 7 jildli Tanlangan asarlarini naşrga tayyorlaş (1957—87)da iştirok etgan. K. Ibn Sino ijodini örganişga bağişlangan xalqaro simpozium (Tehron, 1955)da ilmiy ma'ruzalar qilgan. U Iordaniya kirollik akademiyasining faxriy a'zoligiga saylangan (1984). Beruniy nomidagi Özbekiston Davlat mukofoti laureati (1971).

As: Neizvestnoye soçineniye ar-Razi «Kniga tayni tayn», T., 1957; Oçerki istorii meditsini v Sredney Azii (v tom çisle v Uzbekistane) s drevneyşix vremen do seredini XIX v., T., 1993.

Asl matn (kirill, PDF'dagidek)

КАРИМОВ Убайдулла Исроилович (1920.1.4 — Тошкент — 1997.11.10) — шарқшунос олим. Ўзбекистон ФА акад. (1995), Ўзбекистонда хизмат кўрсатган фан арбоби (1980), филол. фанлари дри (1972). Ўрта Осиё индустриал ин-тининг кимё-технология ф-ти (1941) ва Ўрта Осиё ун-тининг шарқ ф-тини (1949) тугатган. 2-жаҳон уруши қатнашчиси (1941—42). Ўрта Осиё унти шарқ ф-тида форс тилидан дарс берган (1949—52). Ўзбекистон ФА Шарқшунослик ин-тида кичик, сўнг катта илмий ходим (1952— 58), Шарқ қўлёзмаларини тавсифлаш ва каталоглаштириш (1959—75), Шарқ ёзма ёдгорликларини ўрганиш ва нашр этиш (1976—88) бўлимлари мудири, етакчи илмий ходим (1988—90), бош илмий ходим (1990-97).

К.нинг асосий илмий фаолияти Шарқ кимёси, доришунослиги, табобат тарихи каби соҳаларни ўрганишга қаратилган. У шу соҳаларга оид араб ва форс тилларидаги йирик қўлёзма манбаларини таржима ва тадқиқ этган. К. Шарқшунослик ин-тининг қўлёзмалар фондидаги Абу Бакр Муҳаммад ибн Закариё ар-Розийнинг фанга номаълум бўлган кимёга доир асари — «Китоб сирр ул-асрор» («Сирлар сири китоби») қўлёзмасини ўрганиб, бу ҳақда илмий асар ёзди. К. Абу Али ибн Сино илмий меросининг асосий тадқиқотчиси ва таржимонидир. У Ибн Сино «Тиб қонунлари» асарининг ўзбек ва рус тилларидаги тўлиқ нашрини тайёрлаш ва таржима қилишда қатнашган. Берунийнинг «Китоб ас-сайдана фит-тибб» («Фармакогнозия») асарини таржима ва тадқиқ этган. Берунийнинг рус тилидаги 7 жилдли Танланган асарларини нашрга тайёрлаш (1957—87)да иштирок этган. К. Ибн Сино ижодини ўрганишга бағишланган халқаро симпозиум (Теҳрон, 1955)да илмий маърузалар қилган. У Иордания кироллик академиясининг фахрий аъзолигига сайланган (1984). Беруний номидаги Ўзбекистон Давлат мукофоти лауреати (1971).

Ас: Неизвестное сочинение ар-Рази «Книга тайны тайн», Т., 1957; Очерки истории медицины в Средней Азии (в том числе в Узбекистане) с древнейших времен до середины XIX в., Т., 1993.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.