Uç şoxli nerv
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 201–202-b. — ziyouz.com
Uç şoxli nerv — boş miya nervlarining V jufti. Varoliy köprigi b-n miyaçaning örta oyoği oraliğida joylaşgan (q. Boş miya). Sezuvçi, harakatlantiruvçi va vegetativ nerv tolalaridan iborat. U.ş.n.ning sezuvçi tolalari uç tarmoqqa bölinadi. 1şoxi yuzning peşona qismini, boşning oldingi soçli qismini, yuqori qovoqni va burunning tepa qismidagi terini, 2şoxi çakka, burun, yuqori labning şilliq qavatlarini, yuqori jağdagi tişlar va milklarni, 3şoxi pastki jağ kanali böylab yönalib, pastki lab, lunj, engak, tilning şilliq qavatlarini, pastki jağ tişlarini va milklarini innervatsiya qiladi. U.ş.n.ning harakatlantiruvçi tolalari Varoliy köprigida joylaşgan harakatlantiruvçi yadro hujayralaridan boşlanadi. Harakatlantiruvçi nerv tolalar çakka, çaynov muskullarini innervatsiyalaydi. U.ş.n.ning köp uçraydigan kasalliklaridan nevralgiya kuçli oğriq b-n keçadi.
Q.: Boş miya
Asl matn (kirill, PDF'dagidek)
УЧ ШОХЛИ НЕРВ — бош мия нервларининг V жуфти. Варолий кўприги б-н миячанинг ўрта оёғи оралиғида жойлашган (қ. Бош мия). Сезувчи, ҳаракатлантирувчи ва вегетатив нерв толаларидан иборат. У.ш.н.нинг сезувчи толалари уч тармоққа бўлинади. 1шохи юзнинг пешона қисмини, бошнинг олдинги сочли қисмини, юқори қовоқни ва буруннинг тепа қисмидаги терини, 2шохи чакка, бурун, юқори лабнинг шиллиқ қаватларини, юқори жағдаги тишлар ва милкларни, 3шохи пастки жағ канали бўйлаб йўналиб, пастки лаб, лунж, энгак, тилнинг шиллиқ қаватларини, пастки жағ тишларини ва милкларини иннервация қилади. У.ш.н.нинг ҳаракатлантирувчи толалари Варолий кўпригида жойлашган ҳаракатлантирувчи ядро ҳужайраларидан бошланади. Ҳаракатлантирувчи нерв толалар чакка, чайнов мускулларини иннервациялайди. У.ш.н.нинг кўп учрайдиган касалликларидан невралгия кучли оғриқ б-н кечади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.