Volga avtomobil zavodi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 228–229-b. — ziyouz.com
Volga avtomobil zavodi (VAZ) — Rossiyaning yengil avtomobillar işlab çiqaruvçi yirik sanoat korxonasi. Samara viloyatining Tolyatti ş.da joylaşgan. Yillik loyiha quvvati 660 ming avtomobil i. ç. ga möljallangan. 1967 y. qurilişi boşlanib, Yillik loyiha quvvati 220 ming avtomobil bölgan 1-navbati 1971 y. Italiyaning «Fiat» korporatsiyasi b-n hamkorlikda kurilgan. «FIAT-124» avtomobili negizida yaratilgan «Jiguli» VAZ-2101 rusumli kiçiklitrajli yengil avtomobillarini işlab çiqargan. 2-navbati 1972 y.da işga tuşirilgan (loyiha quvvati 220 ming avtomobil). Keyingi yillarda korxona «Jiguli» rusumidagi yengil avtomobillarning bir neça modifikatsiyalarini yaratdi va işlab çiqardi (VAZ-2103, VAZ-2104, VAZ-2105, VAZ- 2106, VAZ-2107, VAZ-2108, VAZ-2109 vah. k.). 80-y, lar oxiriga kelib korxona VAZ-2199 rusumdagi zamonaviy dizayn va turli qulayliklarga ega bölgan yengil avtomobillarni (5 örindiqli) i. ç. ni yölga qöydi. Hoz. vaqtda korxona şu vaqtgaça işlab çiqarayotgan yengil avtomobillarning ba'zi takomillaştirilgan rusumlari b-n birga butunlay yangi rusumdagi «Knyaz Vladimir» yengil avtomobillarni yetkazib bermoqda (2000). Korxona öz mahsulotlarini eksportga ham çiqaradi (q. Avtomobil sanoati). 90-y. lar boşigaça Özbekistonda şaxsiy avtomobillarning asosiy qismini VAZ avtomobillari taşkil etgan.
Asl matn (kirill, PDF'dagidek)
ВОЛГА АВТОМОБИЛЬ ЗАВОДИ (ВАЗ) — Россиянинг енгил автомобиллар ишлаб чиқарувчи йирик саноат корхонаси. Самара вилоятининг Тольятти ш.да жойлашган. Йиллик лойиҳа қуввати 660 минг автомобиль и. ч. га мўлжалланган. 1967 й. қурилиши бошланиб, Йиллик лойиҳа қуввати 220 минг автомобиль бўлган 1-навбати 1971 й. Италиянинг «Фиат» корпорацияси б-н ҳамкорликда курилган. «ФИАТ-124» автомобили негизида яратилган «Жигули» ВАЗ-2101 русумли кичиклитражли енгил автомобилларини ишлаб чиқарган. 2-навбати 1972 й.да ишга туширилган (лойиҳа қуввати 220 минг автомобиль). Кейинги йилларда корхона «Жигули» русумидаги енгил автомобилларнинг бир неча модификацияларини яратди ва ишлаб чиқарди (ВАЗ-2103, ВАЗ-2104, ВАЗ-2105, ВАЗ- 2106, ВАЗ-2107, ВАЗ-2108, ВАЗ-2109 ваҳ. к.). 80-й, лар охирига келиб корхона ВАЗ-2199 русумдаги замонавий дизайн ва турли қулайликларга эга бўлган енгил автомобилларни (5 ўриндиқли) и. ч. ни йўлга қўйди. Ҳоз. вақтда корхона шу вақтгача ишлаб чиқараётган енгил автомобилларнинг баъзи такомиллаштирилган русумлари б-н бирга бутунлай янги русумдаги «Князь Владимир» енгил автомобилларни етказиб бермоқда (2000). Корхона ўз маҳсулотларини экспортга ҳам чиқаради (қ. Автомобиль саноати). 90-й. лар бошигача Ўзбекистонда шахсий автомобилларнинг асосий қисмини ВАЗ автомобиллари ташкил этган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.