Kurortologiya
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 801-b. — ziyouz.com
Kurortologiya (kurort va ...logiya) — tibbiyotning bir bölimi; tabiiy şifobaxş omillar (iqlimiy, balneologik va b.), ularning organizmga ta'sirini hamda ulardan davolaş-profilatika maqsadlarida foydalaniş usullarini örganadi (q. Balneologiya, Iqlim bilan davolaş, Balneoterapiya, Balçiq bilan davolaş). K. sanatoriy va kurortlar işini taşqil qiliş, ommaviy dam oliş, kurortbop joylarni izlaş va tanlaş masalalari b-n ham şuğullanadi. Xuddi tabiiy fizik omillardagidek (mas, karbovat angidridli, vodorod sulfidli va b.) sun'iy muhit barpo etiş, fizioterapiya usulidan foydalaniş ham K. vazifasidir. Özbekistonda Kurortologiya i.t. in-ti (1919) va 1920 y.da Örta Osiyo un-tida tibbiyot f-ti taşqil etilgan vaqtdan boşlab kurort joylarni muntazam örganişga kirişildi, mahalliy mineral suvlar, balçiqlar, kuyoş nuri va b. tabiiy omillarning odam organizmiga ta'siri klinik hamda eksperimental jihatdan tadqiq qilindi. Hoz. ÖzR Soğliqni saqlaş vazirligi Salomatlikni tiklaş va fizioterapiya i.t. in-ti hamda uning şoxobçalari (Termiz, Namangan ş.da) K. sohasida faoliyat körsatadi.
Q.: Balneologiya, Balneoterapiya, Iqlim bilan davolaş
Asl matn (kirill, PDF'dagidek)
КУРОРТОЛОГИЯ (курорт ва ...логия) — тиббиётнинг бир бўлими; табиий шифобахш омиллар (иқлимий, бальнеологик ва б.), уларнинг организмга таъсирини ҳамда улардан даволаш-профилатика мақсадларида фойдаланиш усулларини ўрганади (қ. Бальнеология, Иқлим билан даволаш, Бальнеотерапия, Балчиқ билан даволаш). К. санаторий ва курортлар ишини ташқил қилиш, оммавий дам олиш, курортбоп жойларни излаш ва танлаш масалалари б-н ҳам шуғулланади. Худди табиий физик омиллардагидек (мас, карбоват ангидридли, водород сульфидли ва б.) сунъий муҳит барпо этиш, физиотерапия усулидан фойдаланиш ҳам К. вазифасидир. Ўзбекистонда Курортология и.т. ин-ти (1919) ва 1920 й.да Ўрта Осиё ун-тида тиббиёт ф-ти ташқил этилган вақтдан бошлаб курорт жойларни мунтазам ўрганишга киришилди, маҳаллий минерал сувлар, балчиқлар, куёш нури ва б. табиий омилларнинг одам организмига таъсири клиник ҳамда экспериментал жиҳатдан тадқиқ қилинди. Ҳоз. ЎзР Соғлиқни сақлаш вазирлиги Саломатликни тиклаш ва физиотерапия и.т. ин-ти ҳамда унинг шохобчалари (Термиз, Наманган ш.да) К. соҳасида фаолият кўрсатади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.