Miokardit

Miokardit (yun. myos — muskul va kardia — yurak) — yurak muskullari (miokard)nnng yalliğlanişi, bu, odatda, yurak faoliyati yetişmovçiligiga olib kelişi mumkin. M.ga, köpinça, ötkir infeksion kasalliklar (difteriya, iç terlama, angina, skarlatina, sepsis, gripp), surunkali infeksiyalar (sil, zaxm) sabab bölib, asosida allergik özgarişlar yotadi (q. Allergiya). M.ning ötkir, örtaça yoki surunkali, şuningdek, yuqumli allergik (mas, revmatizmda, skarlatinada) xili farq qilinadi. M.da yurak muskullarining tuzilişi özgaradi, kasallikning yengil xilida bu özgariş butunlay yöqolib ketişi mumkin. Oğir xilida esa muskul tolalarining bir qismi yemiriladi va ular örni çandiklanib, kardioskleroz paydo böladi. M.da muskul tolalarning özi (parenximatoz M.), ba'zan biriktiruvçi töqimalar (inter-stitsial M.) yalliğlanişi mumkin. Revmatizm okibatida kelib çiqqan M. (revmokardit), köpinça, bolalarda uçrab, odatda, endokardit b-n birga ötadi. Asosiy belgisi qon aylanişi yetişmovçiligi; bunda bemor doim yuragi oğrişi, tez-tez urişi, havo yetişmay harsillaşi, darmoni qurişidan şiko-yat qiladi. Rangi siniqib, labi kökaradi, qon bosimi pasayadi. Kasallik ötkir keçganda harorat kötariladi, qonda tegişli özgarişlar (leykotsitoz, eritrotsitlar çökiş tezligi — EÇT ning ortişi) kuzatiladi. EKGda miokard özgarganligini aniqlaş mumkin.

Oldini oliş M. rivojlanişiga sabab böladigan omillarni bartaraf etiş, surunkali infeksiya öçoqlari (tonzillit, gaymorit va b.)ni öz vaktida davolaşdan iborat. Bemor kasalxonada davolanadi. Kasallikning keçişi va belgilariga qarab davo ta-yinlanadi.