Tuğruqxona
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 813-b. — ziyouz.com
Tuğruqxona — davolaş-profilaktika muassasasi. Ayollarga xrmiladorlik, tuğruq va çilla davrlarida malakali tibbiy yordam (qatnab yoki statsionar şaroitda) körsatadi hamda ularga xos ginekologik kasalliklarni davolaydi, şuningdek, çaqaloqlarni parvariş qiliş va tegişli tibbiy yordam körsatiş işlarini olib boradi. 1996 y.dan Özbekistondagi mavjud T.lar tuğruq majmui (kompleksi) deb yuritiladi, ular boşka davolaşprofilaktika muassasalari, xususan, oilaviy poliklinikalar bilan uzviy boğliq holda iş köradi, bu esa onalar va çakaloklar salomatligini muntazam nazorat qiliş imkonini beradi. Közi yoriydigan ayollarning turar joylaridan qat'i nazar zarur hollarda tuğruq majmuida zudlik bilan akuşerginekologik yordam körsatiladi (yana q. Onalar va bolalar muhofazasi, Tuğruq, Tuğruqqa yordam beriş). Hozir Özbekistonda 54 ta tuğruq majmui, 1 ta perinatal markaz, tuman markaziy kasalxonalari tarkibida 185 ta tuğruq bölimlari faoliyat körsatmoqda; Toşkent ş.da esa 9 ta yirik tuğruq majmui va 2 ta perinatal markaz işlab turibdi (2004).
Q.: Onalar va bolalar muhofazasi, Tuğruq, Tuğruqqa yordam beriş
Asl matn (kirill, PDF'dagidek)
ТУҒРУҚХОНА — даволаш-профилактика муассасаси. Аёлларга хрмиладорлик, туғруқ ва чилла даврларида малакали тиббий ёрдам (қатнаб ёки стационар шароитда) кўрсатади ҳамда уларга хос гинекологик касалликларни даволайди, шунингдек, чақалоқларни парвариш қилиш ва тегишли тиббий ёрдам кўрсатиш ишларини олиб боради. 1996 й.дан Ўзбекистондаги мавжуд Т.лар туғруқ мажмуи (комплекси) деб юритилади, улар бошка даволашпрофилактика муассасалари, хусусан, оилавий поликлиникалар билан узвий боғлиқ ҳолда иш кўради, бу эса оналар ва чакалоклар саломатлигини мунтазам назорат қилиш имконини беради. Кўзи ёрийдиган аёлларнинг турар жойларидан қатъи назар зарур ҳолларда туғруқ мажмуида зудлик билан акушергинекологик ёрдам кўрсатилади (яна қ. Оналар ва болалар муҳофазаси, Туғруқ, Туғруққа ёрдам бериш). Ҳозир Ўзбекистонда 54 та туғруқ мажмуи, 1 та перинатал марказ, туман марказий касалхоналари таркибида 185 та туғруқ бўлимлари фаолият кўрсатмоқда; Тошкент ш.да эса 9 та йирик туғруқ мажмуи ва 2 та перинатал марказ ишлаб турибди (2004).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.