Tuzkon madaniyati
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 675-b. — ziyouz.com
Tuzkon madaniyati - neolit davrida baliq ovlaş, ovçilik va terimçilik bilan şuğullangan qabilalar madaniyati (mil. av. 4—3ming yillik). Tuzkon manzilgohlari Mohondaryo arxeologiya ekspeditsiyasi a'zosi Ö.I. Islomov tomonidan topib örganilgan (1960—61). Mohondaryo Zarafşon daryosining qad. özani bölib u Buxoroning Qoraköl tumani orqali Qizilqumdan ötib Amudaryoga quyilgan. U öz yölida bir qança köllar hosil qilgan. Neolit odamlari şu köllar atrofida manzilgohlar qurişib şu yerda hayot keçirişgan. Bu yerdan 36 ta manzilgoh topilib, şundan 2 tasida madaniy qatlamlar va çayla qoldiqdari topilgan. Keyingi jez davriga kelib Mohondaryo suvlari kamayib, hosil qilingan köllar tuzkonlarga aylangan. Hozir bu joylar Kiçik Tuzkon va Katta Tuzkon makonlari nomlari bilan yuritiladi (q. Kaltaminor madaniyati, Darvozaqirliklar çaylasi).
Q.: Darvozaqirliklar çaylasi, Kaltaminor madaniyati
Asl matn (kirill, PDF'dagidek)
ТУЗКОН МАДАНИЯТИ - неолит даврида балиқ овлаш, овчилик ва теримчилик билан шуғулланган қабилалар маданияти (мил. ав. 4—3минг йиллик). Тузкон манзилгоҳлари Моҳондарё археология экспедицияси аъзоси Ў.И. Исломов томонидан топиб ўрганилган (1960—61). Моҳондарё Зарафшон дарёсининг қад. ўзани бўлиб у Бухоронинг Қоракўл тумани орқали Қизилқумдан ўтиб Амударёга қуйилган. У ўз йўлида бир қанча кўллар ҳосил қилган. Неолит одамлари шу кўллар атрофида манзилгоҳлар қуришиб шу ерда ҳаёт кечиришган. Бу ердан 36 та манзилгоҳ топилиб, шундан 2 тасида маданий қатламлар ва чайла қолдиқдари топилган. Кейинги жез даврига келиб Моҳондарё сувлари камайиб, ҳосил қилинган кўллар тузконларга айланган. Ҳозир бу жойлар Кичик Тузкон ва Катта Тузкон маконлари номлари билан юритилади (қ. Калтаминор маданияти, Дарвозақирликлар чайласи).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.