Yer kadastri kitobi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 53–54-b. — ziyouz.com
Yer kadastri kitobi - yerga egalik qiluvçilarning asosiy yer hisobi hujjati. Ye.k.k. Özbekiston Respublikasi Vazirlar Mahkamasi tasdiqlagan şakl (forma)da yerga egalik qiluvçi taşkilot, korxona, muassasa, uyuşma, kiçik korxona, qöşma korxona, dehqon va fermer xöjaliklariga tuman yoki şahar hokimligi tomonidan beriladi. Ye.k.k. yerga egalik qiluvçilar yoki yerdan foydalanuvçilarga muddatsiz, uzoq muddat yoki qisqa muddatga foydalaniş uçun berilgan yerlarga bölgan huquklarni, yerlarning tabiiy va iqtisodiy bahosi, yer turlarining tarkibi hamda fuqarolar tomorqa yerlari haqidagi ma'lumotlarni öz içiga oladi. Ye.k.k.ni töğri va öz vaqtida olib boriş xujalik rahbari va yer tu-zuvçi mutaxassisga yuklatiladi. Ye.k.k. ga öz vaqtida özgartiriş kiritib boriş, uni daxlsiz saqlaş masalalarini tuman (şahar) yer resurslari xizmati boşliği nazorat qiladi.
Davlat Ye.k.k. 4 bölimdan iborat: 1) yer maydonlaridan foydalaniş huquqiga egalikni röyxatga oliş — tuman (şaxar) dagi yerdan foydalanuvçilarning nomi va egasi, egalik qiliş huquqi va ijarasi, foydalaniş muddati va maqsadi, yer uçastkasining joylaşgan urni va maydoni, yer uçastkasining kadastr raqami, yerdan foydalaniş huquqini beruvçi hujjatning nomi, örtaça tuproq bonitet bali va uning kadastr bahosi qayd etiladi; 2) yer maydonlari turlari soni — barça yerdan foydalanuvçilar böyiça suğoriladigan ekin maydonlarining alohida hisobi, şuningdek şahar yerlarining tuman tarkibiga kirişi, davlat zaxira yerlariga kiruvçi şahar turidagi qörğonlar qayd etiladi; 3) yer turlarining si-fati — madaniy-texnika, ozuqa ekin turlarining hosildorligini va yerlarning tuproq unumdorligiga köra tavsifi hisobga olinadi. Yer turlarining tafsiloti yerlarning sifat tafsiloti va qişloq xöjalik yer turlarining bonitet bali böyiça kadastr bahosi keltiriladi; 4) yer turlari — q.x. yer turlari (şudgor, köp yillik daraxtzorlar, yaylov va piçanzor yerlar, böz yerlar), örmon yerlari va ularning tarkibiga kiruvçi yer turlarining nomlari hamda ulardan foydalaniş maqsadiga oid izoh beriladi.
Ye.k.k. yer uçastkasining mikdor va sifat holati hamda bahosi töğrisidagi axborot manbai hisoblanadi (yana q. Yer kadastri, Yerni iqtisodiy baholaş).
Ad.: Yer munosabatlarini tartibga solişga doir qonun va meyoriy hujjatlar töplami [I qism], T., 2000.
Qosimjon Rahmonov.
Q.: Yer kadastri, Yerni iqtisodiy baholaş
Asl matn (kirill, PDF'dagidek)
ЕР КАДАСТРИ КИТОБИ - ерга эгалик қилувчиларнинг асосий ер ҳисоби ҳужжати. Е.к.к. Ўзбекистон Республикаси Вазирлар Маҳкамаси тасдиқлаган шакл (форма)да ерга эгалик қилувчи ташкилот, корхона, муассаса, уюшма, кичик корхона, қўшма корхона, деҳқон ва фермер хўжаликларига туман ёки шаҳар ҳокимлиги томонидан берилади. Е.к.к. ерга эгалик қилувчилар ёки ердан фойдаланувчиларга муддатсиз, узоқ муддат ёки қисқа муддатга фойдаланиш учун берилган ерларга бўлган ҳуқукларни, ерларнинг табиий ва иқтисодий баҳоси, ер турларининг таркиби ҳамда фуқаролар томорқа ерлари ҳақидаги маълумотларни ўз ичига олади. Е.к.к.ни тўғри ва ўз вақтида олиб бориш хужалик раҳбари ва ер ту-зувчи мутахассисга юклатилади. Е.к.к. га ўз вақтида ўзгартириш киритиб бориш, уни дахлсиз сақлаш масалаларини туман (шаҳар) ер ресурслари хизмати бошлиғи назорат қилади.
Давлат Е.к.к. 4 бўлимдан иборат: 1) ер майдонларидан фойдаланиш ҳуқуқига эгаликни рўйхатга олиш — туман (шахар) даги ердан фойдаланувчиларнинг номи ва эгаси, эгалик қилиш ҳуқуқи ва ижараси, фойдаланиш муддати ва мақсади, ер участкасининг жойлашган урни ва майдони, ер участкасининг кадастр рақами, ердан фойдаланиш ҳуқуқини берувчи ҳужжатнинг номи, ўртача тупроқ бонитет бали ва унинг кадастр баҳоси қайд этилади; 2) ер майдонлари турлари сони — барча ердан фойдаланувчилар бўйича суғориладиган экин майдонларининг алоҳида ҳисоби, шунингдек шаҳар ерларининг туман таркибига кириши, давлат захира ерларига кирувчи шаҳар туридаги қўрғонлар қайд этилади; 3) ер турларининг си-фати — маданий-техника, озуқа экин турларининг ҳосилдорлигини ва ерларнинг тупроқ унумдорлигига кўра тавсифи ҳисобга олинади. Ер турларининг тафсилоти ерларнинг сифат тафсилоти ва қишлоқ хўжалик ер турларининг бонитет бали бўйича кадастр баҳоси келтирилади; 4) ер турлари — қ.х. ер турлари (шудгор, кўп йиллик дарахтзорлар, яйлов ва пичанзор ерлар, бўз ерлар), ўрмон ерлари ва уларнинг таркибига кирувчи ер турларининг номлари ҳамда улардан фойдаланиш мақсадига оид изоҳ берилади.
Е.к.к. ер участкасининг микдор ва сифат ҳолати ҳамда баҳоси тўғрисидаги ахборот манбаи ҳисобланади (яна қ. Ер кадастри, Ерни иқтисодий баҳолаш).
Ад.: Ер муносабатларини тартибга солишга доир қонун ва меъёрий ҳужжатлар тўплами [I қисм], Т., 2000.
Қосимжон Раҳмонов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.