Boğlov
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 614-b. — ziyouz.com
Boğlov — singan, çiqqan, lat yegan, tirnalgan, yorilgan, jarohatlangan a'zolarni ifloslaniş va b. ta'sirlardan saqlaş, şuningdek gavdaning biror qismini qimirlamaydigan qilib qöyiş va bosib turiş uçun qöllaniladigan vosita. B.lar qattiq va yumşoq hamda oddiy va murakkab böladi. Mahkamlovçi, bosuvçi, taxtakaçlovçi (q. Immobilizatsiya), qotiruvçi (q. Gips boğlov) va şina B.lar bor. Mahkamlovçi B.ning plastirli, yelimli va bintli turi köp işlatiladi. B.lar boşoqsimon, sakkizsimon, spiralsimon va h.k. şakdda böladi. Ular jarohatni toza saqlaş, yara seli va yiringni şimiş, şikastlangan töqimaga şifobaxş ta'sir körsatiş, infeksiyaga qarşi kuraşiş maqsadida işlatiladi. B. tayyorlaşda turli boğlov materiallaridan foydalaniladi. Dokadan salfetka, bint va tamponlar tayyorlanadi. Yaraga bevosita boğlanadigan B. materiallari sterillangan bölişi lozim (q. Antiseptika, Aseptika). Gigroskopik bölmagan paxtani isituvçi kompresslarda işlatiş, şina ostiga qöyiş yoki gips B.da qöllaş mumkin. Sterillangan va sterillanmagan B. materiallari: salfetka, bint, paxta örami, boğlov paketa va b. dorixonalarda sotiladi.
Q.: Antiseptika, Aseptika, Gips boğlov, Immobilizatsiya
Asl matn (kirill, PDF'dagidek)
БОҒЛОВ — синган, чиққан, лат еган, тирналган, ёрилган, жароҳатланган аъзоларни ифлосланиш ва б. таъсирлардан сақлаш, шунингдек гавданинг бирор қисмини қимирламайдиган қилиб қўйиш ва босиб туриш учун қўлланиладиган восита. Б.лар қаттиқ ва юмшоқ ҳамда оддий ва мураккаб бўлади. Маҳкамловчи, босувчи, тахтакачловчи (қ. Иммобилизация), қотирувчи (қ. Гипс боғлов) ва шина Б.лар бор. Маҳкамловчи Б.нинг пластирли, елимли ва бинтли тури кўп ишлатилади. Б.лар бошоқсимон, саккизсимон, спиралсимон ва ҳ.к. шакдда бўлади. Улар жароҳатни тоза сақлаш, яра сели ва йирингни шимиш, шикастланган тўқимага шифобахш таъсир кўрсатиш, инфекцияга қарши курашиш мақсадида ишлатилади. Б. тайёрлашда турли боғлов материалларидан фойдаланилади. Докадан салфетка, бинт ва тампонлар тайёрланади. Ярага бевосита боғланадиган Б. материаллари стерилланган бўлиши лозим (қ. Антисептика, Асептика). Гигроскопик бўлмаган пахтани иситувчи компрессларда ишлатиш, шина остига қўйиш ёки гипс Б.да қўллаш мумкин. Стерилланган ва стерилланмаган Б. материаллари: салфетка, бинт, пахта ўрами, боғлов пакета ва б. дорихоналарда сотилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.